गेल्या काही दिवसांपासून सातत्याने आगीच्या घटनांमध्ये वाढ होताना दिसत आहे. गुरुवारी पुण्यातील वडगाव शेरी परिसरात भीषण आग लागल्याची घटना घडली आहे. या आगीनंतर सिलेंडरचे स्फोट झाल्याची माहिती मिळत आहे. अजूनपर्यंत या आगीत कोणतीही जीवितहानी झाली नसल्याचे सांगण्यात येत आहे. बुधवारी सकाळच्या सुमारास ही आग लागल्याचे सांगण्यात येत आहे.
तीन कुटुंबांना बाहेर काढण्यात यश
पुणे-अहमदनगर मार्गावरील वडगाव शेरी येथे असलेल्या सोपान नगर भागात ही घटना घडली आहे. एका भंगाराच्या गोदामाला आग लागल्यानंतर तिथे असलेल्या सिलेंडरचे देखील एकामागोमाग एक स्फोट झाले. त्या परिसरात तीन कुटुंबे राहत होती. सुदैवाने या तिन्ही कुटुंबातील सर्व सदस्यांना सुखरुप बाहेर काढण्यात अग्निशमन दल आणि प्रशासनाला यश आले आहे.
(हेही वाचाः नाशिकमध्ये फर्निचर मॉल आणि गोडाऊनला भीषण आग)
आग विझवण्यात अग्निशमन दलाला यश
या दुर्घटनेची माहिती मिळताच अग्निशमन दलाच्या 5 गाड्या घटनास्थळी दाखल झाल्या. अग्निशमन दलाकडून युद्धपातळीवर आग विझवण्याच्या कामाला सुरुवात झाली. त्यानंतर अखेर अग्निशमन दलाला ही आग विझवण्यात यश आले आहे. आगीनंतर झालेल्या सिलेंडरच्या मोठ्या स्फोटांनी संपूर्ण परिसर हादरला असून, परिसरात भीतीचे वातावरण निर्माण झाले आहे.
Join Our WhatsApp Community