समाजकारण

OM Certification : प्रसादाचे पावित्र्य राखण्यासाठी ‘ॐ प्रमाणपत्र’ला हिंदुत्ववादी संघटनांचे समर्थन; ‘हिंदूंपासून हिंदूूपर्यंत’।

June 13, 2024

369

सध्या हिंदूंच्या मंदिराबाहेर मोठ्या संख्येने प्रसाद विक्रेत्यांची दुकाने असतात, त्यातील अनेक जण अन्य धर्मीय असतात, त्यांच्याकडून प्रसादाच्या निर्मितीमध्ये भेसळ केली जाते, अनेकदा त्यामध्ये गायीच्या चरबीने बनवलेल्या भेसळयुक्त तुपाचा वापर केला जातो, अशा घटना उघडकीस आल्या आहेत. त्यामुळे यासाठी आता समस्त हिंदुत्ववादी संघटना ‘ओम प्रतिष्ठान’च्या माध्यमातून एकवटल्या आहेत. ही भेसळ रोखण्यासाठी आणि हिंदूंच्या मंदिरातील प्रसादाचे पावित्र्य आणि सात्विकता टिकवून ठेवण्यासाठी ‘ॐ प्रमाणपत्र’ (OM Certification) ही संकल्पना मांडण्यात आली आहे. त्यासाठी हिंदुत्ववादी संघटना नाशिकमध्ये संघटित झाल्या आहेत. शुक्रवार, १४ जूनपासून नाशिकमधील त्र्यंबकेश्वर मंदिरापासून या चळवळीला सुरुवात होणार आहे.

(हेही वाचा Hindu Temple : श्रद्धाजिहादविरुद्ध त्र्यंबकेश्वरमध्ये हिंदूंची एकजूट; प्रसाद शुद्धीसाठी ओम प्रतिष्ठानची स्थापना)

स्वातंत्र्यवीर सावरकर राष्ट्रीय स्मारकाचे कार्याध्यक्ष रणजित सावरकर, अखिल भारतीय संत समिती धर्म समाजचे महाराष्ट्र प्रदेशचे महंत आचार्य पीठाधीश्वर डॉ. अनिकेत शास्त्री महाराज यांनी पुढाकार घेऊन ही चळवळ (OM Certification) सुरू केली आहे. या प्रसाद शुद्धी चळवळीची सुरुवात जरी नाशिकमधून होणार असली तरी ती राज्यभर राबवण्याचा मानस हिंदुत्ववादी संघटनांनी व्यक्त केला आहे. यासाठी नाशिकमध्ये दररोज बैठका होत आहेत. नाशिकसारख्या पवित्र कुंभनगरीतून या चळवळीसाठी संत-महंतांचे शुभाशीर्वाद मिळत आहेत.

(हेही वाचा Hindu Temple : नाशिक क्षेत्रातील १३ प्रमुख हिंदू धार्मिक संघटनांचा ‘ओम प्रमाणपत्रा’ला पाठिंबा; संत-महंतांचेही आशीर्वाद)