EPFO: PF चे व्याज अकाऊंटला जमा झाले की नाही? असा चेक करा बॅलेन्स

कर्मचारी भविष्य निर्वाह निधी संघटना(EPFO)कडून 2021-22 या आर्थिक वर्षासाठी कर्मचा-यांना देण्यात येणा-या पीएफचे व्याज कर्मचा-यांच्या पीएफ अकाऊंटवर जमा करण्यात येणार आहे. येत्या 30 जूनपर्यंत ही रक्कम कर्मचा-यांच्या खात्यावर जमा होईल, असे सांगण्यात येत आहे. 8.1 टक्के व्याजदराने ही रक्कम कर्मचा-यांच्या खात्यावर जमा केली जाणार आहे. पण खात्यावर ही रक्कम जमा झाली आहे किंवा नाही, यासाठी कर्मचा-यांना अकाऊंट बॅलेन्स चेक करावा लागणार आहे.

(हेही वाचाः EPFO: या चुका झाल्या तर तुमचे PF अकाऊंट बंद होऊ शकते)

कसा चेक कराल पीएफचा बॅलेन्स?

  • पीएफ खातेधारक EPFO च्या 011-22901406 या टोल फ्री नंबरवर रजिस्टर मोबाईल नंबरद्वारे मिस्ड कॉल देऊन पीएफचा अकाऊंट बॅलेन्स चेक करू शकतात.
  • आपल्या रजिस्टर नंबरवरुन EPFO UAN LAN टाईप करुन 7738299899 या नंबरवर SMS करुन देखील पीएफ खातेधारक आपला अकाऊंट बॅलेन्स चेक करू शकतात.
  • EPFO च्या ऑफिशियल वेबसाईटला व्हिजिट करुन UAN no. आणि Password द्वारे लॉग इन करुन, Passbook ऑप्शनद्वारे खातेधारकांना आपला पीएफ बॅलेन्स चेक करता येईल.
  • UMANG app डाऊनलोड करुन त्यात EPFO ऑप्शन निवडा. त्यानंतर UAN no. आणि OTP द्वारे लॉग इन करुन Passbook ऑप्शनद्वारे पीएफ खातेधारकांना आपला अकाऊंट बॅलेन्स चेक करता येईल.

(हेही वाचाः EPFO: आनंदाची बातमी! ‘या’ तारखेपासून अकाऊंटवर येणार PF चे व्याज)

ई-नॉमिनेशन बंधनकारक

EPFO कडून आता पीएफ धारकांना आपले ई-नॉमिनेशन(EPFO e-nomination) करणे बंधनकारक असणार आहे. यामुळे पीएफ धारकांच्या कुटुंबीयांना संरक्षण मिळणार आहे. ई-नॉमिनेशन न केल्यास धारकांना आपल्या पीएफचा बॅलेन्स चेक करता येणार नसल्याचे, तसेच कुटुंबीयांना मिळणारा लाभही मिळणे अवघड होणार असल्याचे सांगण्यात येत आहे.

प्रतिक्रिया द्या

Please enter your comment!
Please enter your name here