नेपाळमधील रौतहाट जिल्ह्यात जातीय तणावाची घटना समोर आली आहे. येथे आठवडाभरापूर्वी मुस्लिमांनी (Muslim) एका गावाला मोहम्मद नगर असे नाव दिले. त्यावर फलक लावला. ही बाब हिंदूंना कळताच त्यांनी संतप्त होऊन हा फलक उखडून टाकला. यानंतर मुस्लिमांनी (Muslim) हिंदू समाजातील काही तरुणांना बेदम मारहाण केली. याबाबत माहिती मिळताच पोलीस घटनास्थळी दाखल झाले. ही घटना 23 जून रोजी घडल्याचे सांगण्यात येत आहे. रौतहाट जिल्ह्यातील गरुड नगरपालिका प्रभाग क्रमांक 6 मधील प्रकरण आहे. आठवडाभरापूर्वी येथील पोथ्याही गावातील एका चौकात मुस्लिम समाजाच्या लोकांनी मोहम्मद नगरचा फलक लावला होता. या फलकाला हिरवा रंग दिला होता.
बोर्डावर अरबी आणि उर्दू भाषेत अनेक शब्द लिहिलेले होते. फलकाच्या दोन्ही बाजूला इस्लामिक प्रार्थनास्थळांची चित्रेही छापण्यात आली होती. येथे उभे राहून एका मुस्लिम वृद्धाने सेल्फीही घेतला, जो नंतर सोशल मीडियावर व्हायरल झाला. स्थानिक मुस्लिमांनीही (Muslim) या ठिकाणाला मोहम्मद नगर असे संबोधण्यास सुरुवात केल्याचे बोलले जात आहे. घटनेच्या दिवशी घटनास्थळी पोहोचल्यानंतरही मुस्लिमांवर कोणतीही कारवाई करण्यात आली नाही. हिंदू पक्षाने नेपाळ प्रशासनावर मुस्लिम तुष्टीकरणाचा आरोप केला आहे. नेपाळमधील हिंदू सम्राट सेना या संघटनेचे राष्ट्रीय अध्यक्ष राजेश यादव म्हणाले की, पोथियाही गावात मुस्लिमांची फक्त 10 घरे आहेत, जी गावातील एकूण लोकसंख्येच्या केवळ 4% आहे. असे असतानाही त्यांनी संपूर्ण पोथ्याही गावाचे नाव बदलण्याचा कट रचला.
23 जून रोजी हिंदू सम्राट सेनेच्या सदस्यांनी स्थानिक रहिवाशांसह मोहम्मद नगरमध्ये हा फलक उखडून टाकला. ते म्हणाले की, त्यावेळी मुस्लिम (Muslim) बाजूचे लोक गप्प होते, पण अंतर्गतरित्या ते हिंसाचार पसरवण्याचा कट रचत होते. 25 जूनच्या रात्री तीन हिंदू तरुण चौकातून जात होते. यावेळी सुमारे डझनभर मुस्लिमांनी त्यांना घेराव घालून इस्लाम नगर बोर्ड उखडल्याचा आरोप करत आधी शिवीगाळ केली आणि नंतर मारहाण केली. या हल्ल्यात हिंदू समाजातील तरुण गंभीर जखमी झाले. चांद दिवाण, रफिक, सिराजुल आणि मंजूर आदी हिंसक जमावाचे नेतृत्व करत होते. या हल्ल्याची माहिती मिळताच आजूबाजूचे हिंदू संतप्त झाले. हिंदूंनी संघटित होऊन या हल्ल्याला विरोध केला. दरम्यान, या प्रकरणाची माहिती मिळताच प्रशासकीय अधिकारी घटनास्थळी पोहोचले. पोलिसांनी हल्ला करणाऱ्या मुस्लिमांवर कोणतीही कारवाई केली नसल्याचा आरोप हिंदू बाजूने केला आहे. एवढेच नाही तर ज्या मुस्लिम (Muslim) कुटुंबांनी हल्ला केला होता, त्यांना पोलिसांनी संरक्षण दिले.
Join Our WhatsApp Community