टाटा मोटर्सचे ‘रिसायकल विथ रिस्पेक्ट’ Vehicle Scrapping सुविधा केंद्राचे पुण्यात उद्घाटन

भारतातील सर्वात मोठी व्यावसायिक वाहन उत्पादक कंपनी मे. टाटा इंटरनॅशनल अँड टाटा मोटर्स कंपनीच्या (Tata International and Tata Motors Company) सहकार्याने (Re.Wi.Re) – ‘रिसायकल विथ रिस्पेक्ट’ या नावाच्या अत्याधुनिक सुविधा असलेल्या ‘वाहन स्क्रॅपिंग सुविधा केंद्र’ (आरव्हीएसएफ) चे परिवहन आयुक्त विवेक भीमनवार (Transport Commissioner Vivek Bhimanwar) यांच्याहस्ते पुण्यात उद्घाटन केले. याप्रसंगी टाटा इंटरनॅशनल कंपनीचे व्यवस्थापकीय संचालक राजीव सिंघल, टाटा इंटरनॅशनल व्हेईकल ॲप्लीकेशनचे मुख्य कार्यकारी अधिकारी राजीव बत्रा, कार्यकारी संचालक गिरीश वाघ उपस्थित होते. (Vehicle Scrapping)

या नोंदणीकृत वाहन स्क्रॅपिंग सुविधा केंद्राची वर्षाला २५ हजार वाहनांची स्क्रॅपिंग क्षमता असणार आहे. यावेळी परिवहन आयुक्त भिमनवार म्हणाले की, टाटा इंटरनॅशनल व्हेईकल ॲप्लीकेशन्स (Tata International Vehicle Applications) सुरू करणे हा राज्यातील वाहन स्क्रॅपिंगचा व्यवसाय यशस्वी करण्याच्या प्रवासातील योगदानाचा आणखी एक मैलाचा दगड आहे. या सुविधा केंद्रात वाहनांच्या स्क्रॅपिंगची प्रक्रिया पर्यावरणपूरक व शासकीय नियमांचे पालन करणारी असेल. टाटा इंटरनॅशनल कंपनीचे व्यवस्थापकीय संचालक सिंघल (Managing Director of Tata International Company) यांनी सुविधा केंद्रात सर्व प्रकारच्या प्रवासी व व्यावसायिक वाहनांचे स्क्रॅपिंग करण्यासाठी सुसज्ज असल्याचे सांगितले.

(हेही वाचा – महापरिनिर्वाण दिनानिमित्त मुंबई शहरात ‘Dry Day’ जाहीर)

तसेच मुख्य कार्यकारी अधिकारी बत्रा यांनी वाहन स्क्रॅपिंगच्या उद्योगातून टीआयव्हीए आणि टाटा मोटर्सने (Tata Motors) देशातील वाहनांचे जीवनचक्र बदलविण्याच्या दृष्टीकोनातून एक महत्वपूर्ण पाऊल उचलले असल्याचे सांगत वाहनांच्या पुनर्वापराची वाढती गरज पूर्ण करण्यासाठी हा उपक्रम निश्चितच फायदेशीर असल्याचे सांगितले.

हेही पाहा –