सर्वसामान्यांना महागाईचा झटका, ‘अमूल’चं दूध महागलं; ‘असे’ असतील नवे दर

वाढत्या महागाईमुळे सामान्य लोक त्रस्त असतानाच आता पुन्हा एकदा दुधाच्या दरात वाढ झाली आहे. अमूल दुधात लिटरमागे 3 रुपयांनी वाढ झाली आहे. 3 फेब्रुवारीपासून ही दरवाढ लागू करण्यात आली आहे.

दरम्यान, अर्थसंकल्प सादर झाल्यानंतर दोनच दिवसांत सर्वसामान्य जनतेला मोठा झटका बसला आहे. याचा पहिला परिणाम सोने- चांदीच्या दरांवर दिसून आला आहे. त्यानंतर आता देशातील सर्वात मोठी दूध वितरक कंपनी अमूल दुधाच्या किमतीत प्रतिलीटर 3 रुपयांनी वाढ केली आहे.

( हेही वाचा: IIT Bombayमध्ये नोकरीची सुवर्णसंधी; त्वरित अर्ज करा )

‘असे’ आहेत नवे दर

आता अमूलची अर्धा लीटरची दुधाची पिशवी विकत घेण्यासाठी 27 रुपये मोजावे लागणार आहेत. तर 1 लीटर दुधासाठी 54 रुपये द्यावे लागणार आहेत. अमूल गोल्ड म्हणजेच फुल क्रीम दुधाचे अर्धा लीटरचे पाकिट आता 33 रुपयांना मिळणार आहे. तसेच, 1 लीटरसाठी 66 रुपये मोजावे लागणार आहेत. अमूल गायीच्या दुधाची 1 लीटरची किंमत आता 56 रुपये इतकी झाली आहे. तर अर्धा लीटर दुधासाठी 28 रुपये द्यावे लागणार आहेत. तर म्हशीचे A2 दूध आता 70 रुपये प्रतिलीटर किमतीला मिळणार आहे.