अयोध्येत उभारल्या जाणाऱ्या राम मंदिरात 22 जानेवारीला रामलल्लांची प्राण-प्रतिष्ठा (Ayodhya Pran Pratishtha) होणार आहे. त्यासाठी 7000 जणांना निमंत्रणे पाठवली जात आहेत. त्यात पंतप्रधान नरेंद्र मोदी (PM Narendra Modi), मुख्यमंत्री योगी आदित्यनाथ, सरसंघचालक मोहन भागवत यांच्यासह 3 हजार अतिप्रतिष्ठितांना निमंत्रणे पाठवली जात आहेत.
(हेही वाचा – Maharashtra Assembly winter Session 2023: नागपुरात राजकीय ‘पारा’ चढणार)
कोण कोण आहेत मान्यवर ?
क्रिकेटपटू – सचिन तेंडुलकर आणि विराट कोहली यांचीही नावे आहेत.
सिनेविश्व – कंगना राणौत, अभिनेते अमिताभ बच्चन, अक्षय कुमार आणि गायिका आशा भोसले
उद्योग जगत – पती मुकेश अंबानी, गौतम अदानी आणि रतन टाटा
श्री रामजन्मभूमी ट्रस्टचे (Shri Ramjanmabhoomi Trust) सरचिटणीस चंपत राय म्हणाले, “प्राण प्रतिष्ठा सोहळ्यासाठी 50 देशांतून एका प्रतिनिधीला बोलावण्याचा प्रयत्न आहे. आंदोलनादरम्यान प्राण गमावलेल्या 50 कारसेवक (Karsevak) कुटुंबातील लोकांनाही बोलावण्यात आले आहे.
पत्रकार, पद्मभूषण आणि पद्मश्री आमंत्रित
विहिंपचे (VHP) प्रवक्ते शरद शर्मा म्हणाले, “आम्ही राम मंदिराच्या यात्रेला पाठिंबा देणाऱ्या पत्रकारांनाही बोलावले आहे. त्यांच्याशिवाय (पत्रकार) राम मंदिरासाठीचा हा संघर्ष अपूर्ण होता. याशिवाय संत, पुजारी, शंकराचार्य, धार्मिक नेते आणि माजी नागरी सेवक, निवृत्त लष्करी अधिकारी, न्यायाधीश, वकील, वैज्ञानिक, कवी, संगीतकार आणि पद्मश्री आणि पद्मभूषण पुरस्काराने सन्मानित व्यक्तींनाही आमंत्रणे पाठवण्यात आली आहेत.” (Ayodhya Ram Temple)
(हेही वाचा – Maharashtra Assembly winter Session 2023: नागपुरात राजकीय ‘पारा’ चढणार)
असा मिळेल प्रवेश
VHP नेते शरद शर्मा म्हणाले, “7 हजार निमंत्रितांपैकी सुमारे 4,000 देशभरातील धार्मिक नेते असतील. उर्वरित 3 हजार विविध क्षेत्रातील VVIP असतील. समारंभाच्या आधी निमंत्रितांना एक लिंक शेअर केली जाईल. एकदा तुम्ही नोंदणी केल्यानंतर, तुम्हाला एक बार कोड मिळेल. हा बार कोड प्रवेश पास म्हणून काम करेल. 21 जानेवारीपूर्वी अयोध्येला यावे, असे या पत्रात आवाहन करण्यात आले आहे.
दोन लाख भाविक सहभागी होणार आहेत
दोन लाखांहून अधिक राम भक्त अभिषेक सोहळ्याला उपस्थित राहणार आहेत. देशभरातील 4 लाख गावांतील मंदिरांमध्येही हा सोहळा साजरा केला जाणार आहे. या मंदिरांमध्ये रामनाम संकीर्तन होणार आहे. यानंतर सर्वांना प्रसादाचे वाटप केले जाईल. यासोबतच या सोहळ्याचे थेट प्रक्षेपणही होणार आहे. यामुळे करोडो भाविकांना हा ऐतिहासिक क्षण प्रत्यक्ष पाहता येणार आहे.
रामलल्लाची मूर्ती 90 टक्के तयार आहे
श्री रामजन्मभूमी ट्रस्टचे सरचिटणीस चंपत राय सांगतात, “राममंदिरात (Rammandir) रामलल्लांना ५ वर्षांच्या बालकाच्या रूपात विराजमान केले जाणार आहे. त्यासाठी दोन दगडांपासून एकूण तीन मूर्ती तयार केल्या जात आहेत. कर्नाटकातील एक आणि राजस्थानची एक. मूर्ती 90 टक्के तयार आहेत. अंतिम सुधारणा करण्यात येत आहेत. त्यापैकी सर्वांत आकर्षक मूर्तीची निवड केली जाणार आहे. त्यानंतर 22 जानेवारीला मूर्तीचा प्राणप्रतिष्ठा करण्यात येणार आहे. (Ayodhya Pran Pratishtha)
हेही पहा –
Join Our WhatsApp Community