गुरुवारी, २६ जानेवारी २०२३ रोजी उत्तर प्रदेशातील अलीगढ मुस्लिम विद्यापीठात (एएमयू) प्रजासत्ताक दिनानिमित्त ध्वजारोहणाच्या वेळी धर्मांध घोषणा दिल्याचा प्रकार घडला. विशेष म्हणजे एएमयू कॅम्पसमध्ये एनसीसी (नॅशनल कॅडेट कॉर्प्स) च्या विद्यार्थ्यांनी या घोषणा दिल्या. यावेळी विद्यार्थ्यांनी ‘अल्लाहू अकबर’ आणि ‘नारा-ए-तकबीर’ अशा घोषणा दिल्या. त्याचा व्हिडिओही सोशल मीडियावर व्हायरल होत आहे.
अलीगढ़ मुस्लिम विश्विद्यालय परिसर के अंदर गणतंत्र दिवस के पावन अवसर पर जंग का नारा ?@aligarhpolice @ipsnaithani
कृपया संज्ञान ले कर आवश्यक कार्यवाही करें । pic.twitter.com/nRZua6aTly— Dr. Nishit Sharma (@Nishitss) January 26, 2023
कारवाईची मागणी
ट्विटरवर, विद्यापीठाचे माजी विद्यार्थी आणि भाजप नेते डॉ. निशित शर्मा यांनी अलीगड पोलिस आणि एसएसपी कलानिधी नैथानी यांना टॅग करत तक्रार केली आहे. प्रजासत्ताक दिनाच्या शुभमुहूर्तावर धर्मांध घोषणा देण्यामागील काय अर्थ आहे? पोलिसांनी या प्रकरणाची दखल घेऊन आवश्यक ती कारवाई करावी, असे आवाहन त्यांनी केले. याबाबत पोलिसांशी बोलणी सुरू असल्याची माहिती त्यांनी दिली. आता या व्हिडिओवर विद्यापीठ प्रशासनाचे म्हणणे आले आहे.
(हेही वाचा union budget 2023 : अर्थसंकल्प तयार करणा-या अधिकाऱ्यांवर गुप्तचर खात्याची नजर; काय आहे भानगड?)
विद्यापीठाचा बचावात्मक पवित्रा
AMU प्रॉक्टर वसीम अली यांनी माहिती दिली की, व्हिडिओच्या आधारे विद्यार्थ्यांची ओळख पटवली जात आहे, त्यानंतर कायदेशीर कारवाई केली जाईल. अलिगड पोलिसांनीही या घटनेबाबत विद्यापीठाशी संपर्क साधल्याची माहिती दिली आहे. घटनेच्या वेळी विद्यापीठाचे कुलगुरू (व्हीसी) तारिक मन्सूरही त्यांच्यापासून काही अंतरावर उपस्थित होते, असे अली म्हणाले. याविषयी डॉ. निशित वर्मा म्हणाले, “ही धार्मिक घोषणा त्यांची विचारसरणी दर्शवते. अशा घोषणा देऊन तुम्ही कोणता संदेश द्यायचा प्रयत्न करत आहात? आणखी एक संपूर्ण देश भारतीय राज्यघटनेसमोर नतमस्तक आहे, अशा स्थितीत अशा प्रकारे घोषणाबाजी करून ते भारतात मतभेद निर्माण करण्याचा प्रयत्न करत आहेत. हे नारे कसे लावले गेले आणि त्यामागे कोणती विचारसरणी कार्यरत आहे, याचा तपास व्हायला हवा. त्यांनी ही देशविरोधी घोषणा असल्याचे म्हटले.
