आम्हाला तुमच्या सर्वांच्या आरोग्याची काळजी आहे. येथे असे अनेक सदस्य आहेत ज्यांचे वजन जास्त आहे. मी सर्व सदस्यांना वर्षातून किमान एकदा संपूर्ण आरोग्य तपासणी करण्याची विनंती करतो आणि आरोग्य मंत्रालय यासाठी तयार आहे, असे आवाहन केंद्रीय आरोग्यमंत्री जे.पी.नड्डा (JP Nadda) यांनी केले आहे. ते शुक्रवार, २१ मार्च या दिवशी लोकसभेत (Parliament budget session 2025) प्रश्नोत्तराच्या तासात आरोग्य क्षेत्राशी संबंधित पूरक प्रश्नांची उत्तरे देत होते.
(हेही वाचा – Mumbai Local Mega Block : रेल्वे प्रवाशांनो इकडे लक्ष द्या ! रविवारी तिन्ही रेल्वेमार्गांवर ब्लॉक, वाचा वेळापत्रक)
लोकसभा अध्यक्ष ओम बिर्ला (Om Birla) यांनी केंद्रीय मंत्र्यांना सांगितले होते की, “तुम्ही सदस्यांना त्यांच्या भागातील लोकांचे आरोग्य तपासण्यास सांगा.” यावर मंत्री म्हणाले की, लोकांची आरोग्य तपासणी आवश्यक आहे, परंतु सदस्यांनी त्यांची वैद्यकीय तपासणी देखील करून घ्यावी आणि येथे बसलेले अनेक सदस्य जास्त वजनाचे आहेत.”
कर्करोग आणि क्षयरोगासह विविध आजारांच्या तपासणीसाठी देशात राबविल्या जाणाऱ्या मोहिमांची माहिती देताना नड्डा (JP Nadda) म्हणाले की, सरकारने आयुष्मान आरोग्य मंदिर (Ayushman Arogya Mandir) अंतर्गत ३० वर्षांवरील सर्व नागरिकांसाठी आरोग्य तपासणी मोहीम सुरू केली आहे. यामध्ये उच्च रक्तदाब, मधुमेह आणि कर्करोगाची मोफत तपासणी केली जाते. मंत्री म्हणाले की, मोहीम सुरू झाल्यापासून आतापर्यंत ३५ कोटी लोकांची तपासणी करण्यात आली आहे, त्यापैकी ४.२ कोटी लोक उच्च रक्तदाबाने ग्रस्त असल्याचे आढळले आणि २.६ कोटी लोक मधुमेहाने ग्रस्त असल्याचे आढळले.
नड्डा (JP Nadda) म्हणाले की, २९.३५ कोटी लोकांची तोंडाच्या कर्करोगाची तपासणी करण्यात आली, त्यापैकी १.१८ कोटी लोकांमध्ये कर्करोग आढळून आला. देशातील क्षयरोग निर्मूलनासंदर्भात एका पूरक प्रश्नाचे उत्तर देताना ते म्हणाले की, आता एकाच वेळी ३२ नमुन्यांची तपासणी करू शकणाऱ्या मशीनने क्षयरोग तपासणी सुरू करण्यात आली आहे.
हेही पहा –
Join Our WhatsApp Community