महाराष्ट्र राज्य परीक्षा परिषद, पुणे यांच्यामार्फत महाराष्ट्र शिक्षक पात्रता परीक्षा 2024 (MAHATET 2024) आगामी काळात दि. 10 नोव्हेंबर 2024 रोजी घेण्यात येणार आहे. (Maharashtra TET 2024)
(हेही वाचा- Ban Ind vs Ban Test Series : बांगलादेश विरुद्धच्या कसोटी मालिकेच्या वार्तांकनावर बंदीचा ‘हिंदुस्थान पोस्ट’चा निर्णय )
इयत्ता पहली ते पाचवी व इयत्ता सहावी ते आठवीसाठी सर्व व्यवस्थापन, सर्व परीक्षा मंडळे, सर्व माध्यम अनुदानित, विनाअनुदानित, कायम विनाअनुदानित इत्यादी शाळांमध्ये शिक्षण सेवक व शिक्षक पदावर नियुक्तीसाठी उमेदवारांना प्रथमतः ही परीक्षा उत्तीर्ण होणे अनिवार्य आहे. या परीक्षेशी संबंधित सर्व शासन निर्णय, अनुषंगिक माहिती, सुचना महाराष्ट्र राज्य परीक्षा परिषदेच्या https://mahatet.in या संकेतस्थळावर उपलब्ध करुन देण्यात आल्या आहेत. (Maharashtra TET 2024)
ऑनलाईन अर्ज भरणे, परीक्षा शुल्क भरणे, परीक्षेची वेळ व इतर सविस्तर माहितीचा तपशील परिषदेच्या उपरोक्त वेबसाईट वर देण्यात आला आहे. सर्व संबंधितांनी संकेतस्थळास नियमित भेट द्यावी. सदर परीक्षेची ऑनलाईन अर्ज भरण्याची प्रक्रिया दि. 9 सप्टेंबर पासून सुरु झाली असुन दि. 30 सप्टेंबरपर्यंत उमेदवारांना ऑनलाईन अर्ज भरता येतील, याची संबंधितांनी नोंद घ्यावी. (Maharashtra TET 2024)
(हेही वाचा- Ganeshotsav 2024 : ‘मरे’च्या गणपती उत्सवासाठी २२ विशेष रात्रीच्या उपनगरीय गाड्या)
ऑनलाईन अर्ज व शुल्क भरण्याचा कालावधी दि. 9 सप्टेंबर ते 30 सप्टेंबर 2024 राहील. प्रवेशपत्र ऑनलाईन प्रिंट काढुन घेण्याचा कालावधी दि. 28 ऑक्टोबर ते 10 नोव्हेंबर 2024 राहील. शिक्षक पात्रता परीक्षा पेपर I दि. 10 नोव्हेंबर 2024 व वेळ सकाळी 10.30 ते 1.00 पर्यंत राहील. शिक्षक पात्रता परीक्षा पेपर II दि. 10 नोव्हेंबर व वेळ दुपारी 2.00 ते 4.30 पर्यंत राहील, पात्रता परीक्षेच्या तारीख व वेळ यासंबंधी नोंद घ्यावी, असे आवाहन संजय कुमार राठोड महाराष्ट्र राज्य परीक्षा परिषदेचे उपायुक्त संजय कुमार राठोड यांनी केले आहे. (Maharashtra TET 2024)
हेही पहा-
Join Our WhatsApp Community