मध्य रेल्वेवर रविवारी Mega Block; काय आहे वेळापत्रक?

मध्य रेल्वे, मुंबई विभाग रविवार दिनांक १३.०४.२०२५ रोजी उपनगरीय विभागांवर विविध अभियांत्रिकी आणि देखभालीची कामे करण्यासाठी मेगा ब्लॉक परिचालीत करणार आहे.

तपशील खालीलप्रमाणे आहे : छत्रपती शिवाजी महाराज टर्मिनस मुंबई आणि विद्याविहार दरम्यान अप आणि डाऊन धीम्या मार्गावर सकाळी १०.५५ ते दुपारी ३.३५ पर्यंत

छत्रपती शिवाजी महाराज टर्मिनस मुंबई येथून सकाळी १०.४८ ते दुपारी ३.३२ पर्यंत सुटणाऱ्या डाऊन धीम्या मार्गावरील सेवा छत्रपती शिवाजी महाराज टर्मिनस मुंबई आणि विद्याविहार स्थानकांदरम्यान डाऊन जलद मार्गावर वळवल्या जातील आणि भायखळा, परळ, दादर, माटुंगा, शीव आणि कुर्ला स्थानकांवर थांबतील आणि पुढे विद्याविहार स्थानकावर डाऊन धीम्या मार्गावर वळवल्या जातील. ब्लॉक दरम्यान मशीद, सँडहर्स्ट रोड, चिंचपोकळी आणि करी रोड या स्थानकांवर उपनगरीय रेल्वे सेवा उपलब्ध राहणार नाहीत.

घाटकोपर येथून सकाळी १०.१९ ते दुपारी ३.२९ पर्यंत सुटणाऱ्या अप धीम्या गाड्या विद्याविहार आणि छत्रपती शिवाजी महाराज टर्मिनस मुंबई स्थानकांदरम्यान अप जलद मार्गावर वळवल्या जातील आणि कुर्ला, शीव, माटुंगा, दादर, परळ आणि भायखळा स्थानकांवर थांबतील. ब्लॉक दरम्यान करी रोड, चिंचपोकळी, सँडहर्स्ट रोड आणि मशीद या स्थानकांवर उपनगरीय रेल्वे सेवा उपलब्ध राहणार नाहीत. (Mega Block)

(हेही वाचा – गुजरामध्ये नमाजानंतर मुसलमान Waqf Amendment Bill च्या विरोधात उतरले रस्त्यावर; तणाव वाढला)

डाऊन धीम्या मार्गावर

ब्लॉकपूर्वीची शेवटची लोकल छत्रपती शिवाजी महाराज टर्मिनस लोकल आहे जी छत्रपती शिवाजी महाराज टर्मिनस मुंबई येथून १०.०७ वाजता सुटेल.

ब्लॉकनंतर पहिली लोकल छत्रपती शिवाजी महाराज टर्मिनस लोकल आहे जी छत्रपती शिवाजी महाराज टर्मिनस मुंबई येथून १५.४० वाजता सुटेल.

कुर्ला आणि वाशी अप आणि डाऊन हार्बर मार्गावर ११.१० ते १६.१० पर्यंत

छत्रपती शिवाजी महाराज टर्मिनस येथून सकाळी १०.३४ ते दुपारी ३.३६ पर्यंत पनवेल/बेलापूर/वाशी येथे जाणाऱ्या डाऊन हार्बर मार्गावरील सेवा रद्द राहतील.

पनवेल/बेलापूर/वाशी ते छत्रपती शिवाजी महाराज टर्मिनस पर्यंतच्या अप हार्बर मार्गावरील सेवा सकाळी १०.१६ ते दुपारी ३.४७ पर्यंत बंद राहतील.

ब्लॉक काळात छत्रपती शिवाजी महाराज टर्मिनस- कुर्ला आणि पनवेल – वाशी दरम्यान विशेष सेवा चालवल्या जातील.

हार्बर मार्गावरील प्रवाशांना ठाणे – वाशी/नेरळ स्थानकांवरून सकाळी १०.०० ते संध्याकाळी ६.०० पर्यंत प्रवास करण्याची परवानगी आहे.

हे मेगा ब्लॉक्स पायाभूत सुविधांच्या देखभाल आणि सुरक्षिततेसाठी आवश्यक आहेत. प्रवाशांना होणाऱ्या गैरसोयीबद्दल रेल्वे प्रशासनाला सहकार्य करावे अशी विनंती रेल्वे प्रशासनाकडून करण्यात येत आहे. (Mega Block)

हेही पहा –