मध्य रेल्वेवर मेगाब्लॉक नाही; पश्चिम रेल्वेवर खोळंबा

पाच दिवसांच्या बाप्पांचे विसर्जन रविवारी होणार आहे त्यामुळे विसर्जन सोहळ्यासाठी होणारी संभाव्य गर्दी लक्षात घेता, मध्य रेल्वेने मुख्य आणि हार्बर मार्गावरील रविवारी होणारा ब्लॉक रद्द करण्याचा निर्णय घेतला आहे. यामुळे गणेशभक्तांना प्रवास करणे सोयीचे होणार आहे.

( हेही वाचा : सरकारी नोकरीची सुवर्णसंधी! भारतीय खाद्य महामंडळ FCI अंतर्गत 6,096 रिक्त पदांची भरती )

पश्चिम रेल्वे मार्गावर मेगाब्लॉक 

परंतु पश्चिम रेल्वेवर सांताक्रूझ ते गोरेगावदरम्यान रविवारी मेगाब्लॉक असणार आहे. ब्लॉक कालावधीत काही लोकल फेऱ्या रद्द करण्यात येणार आहेत तर काही फेऱ्या विलंबाने धावणार आहेत.

• स्थानक – सांताक्रूझ ते गोरेगाव
• वेळ – सकाळी १० ते दुपारी ३
• मार्ग – अप आणि डाऊन धीमा

ब्लॉक कालावधीत धीम्या मार्गावरील लोकल फेऱ्या जलद मार्गावरून धावणार आहेत. काही लोकल फेऱ्या रद्द तर काही उशिराने धावतीस. विलेपार्ले स्थानकात लोकलला दुहेरी थांबा देण्यात येणार आहे. राम मंदिर स्थानकात फलाट नसल्याने जलद मार्गावरील लोकल थांबणार नाहीत.