येत्या काही दिवसांत दिवाळी सणाला सुरुवात होत आहे. त्यातच म्हशीच्या आणि गाईच्या दूध खरेदी दरात वाढ करण्यात आली आहे. तसेच म्हशीच्या दूध विक्री दरातही वाढ करण्यात आली आहे. शुक्रवारपासून नव्या दूध दरवाढीची अंमलबजावणी केली जाईल.
‘असे’ आहेत नवे दर
नव्या दरांमुळे आता म्हशीचे दूध खरेदी करताना प्रति लिटर 2 रुपये मोजावे लागणार आहेत. तर गाईचे दूध खरेदी करताना प्रति लिटर 3 रुपये मोजावे लागणार आहेत. दरवाढीनंतर आता म्हशीच्या दुधासाठी प्रति लिटर 47.50 पैसे तर गाईच्या दुधासाठी प्रति लिटर 35 रुपये दर मिळणार आहे. गेल्या दीड वर्षांत 9 रुपयांची दूध दरवाढ नोंदवण्यात आली आहे. आतापर्यंत सहा वेळा दूध खरेदी विक्री दरात वाढ करण्यात आली आहे.
‘अशी’ असेल गोकुळ दुधाची किंमत
- म्हशीच्या दूध विक्री दरातही 3 रुपयांची वाढ करण्यात आली आहे. आधी म्हशीच्या एक लिटर दुधाचा दर कोल्हापूरमध्ये 60 रुपये होता. तो आता 63 रुपये इतका झाला आहे. तर अर्धा लिटर म्हशीच्या दुधाची किंमत 30 रुपयांवरुन 32 रुपये इतकी झाली आहे.
- तर मुंबई, पुण्यात एक लिटर म्हशीच्या दुधाची किंमत 66 रुपयांवरुन आता 69 रुपये झाली आहे. तर अर्धा लिटर म्हशीच्या दुधाची किंमत 33 रुपयांवर 35 रुपये इतकी झाली आहे.
- 6.0 फॅट आणि 9.0 एसएनएफ प्रतिलिटर 45.50 पैसे इतका खरेदी दर म्हशीच्या दुधाला आधी मिळत होता. तो आता 47.50 झाला असून गायीच्या दुधाचा खरेदी दर 3.5 फॅट आणि 8.5 एसएनएफ प्रतिलीटर 32 वरुन 35 रुपये इतका झाला आहे. 21 ऑक्टोबरपासून हे नवे दर लागू केले जाणार आहेत.