मुख्यमंत्री – माझी लाडकी बहीण (Mukhyamantri Ladki Bahin) योजनाअंतर्गत ९ ऑगस्ट, २०२४ पर्यंत मुंबई शहर जिल्हयातील ९२९४ इतके Disapproved म्हणजे अंशतः रद्द केलेले अर्ज त्रुटी पूर्तता करुन Online Resubmit करणे प्रलंबित आहेत. तरी सर्व संबधितांनी तातडीने योग्य त्या दुरुस्त्या करुन Disapproved अर्ज Resubmit करावे, जेणेकरुन त्यांची पडताळणी करुन पात्र लाभार्थीना तातडीने लाभ देणे सोईचे होईल. कोणताही पात्र लाभार्थी मुख्यमंत्री – माझी लाडकी बहीण योजनेच्या लाभापासून वंचित राहणार नाही, असे आवाहन मुंबई शहर जिल्हयातील सर्व संबंधितांना जिल्हा प्रशासनातर्फे करण्यात येत आहे.
(हेही वाचा – Maharashtra : महाराष्ट्रातील पहिल्या राज्यगीत शिल्पाचे अनावरण)
प्रशासनाचे आवाहन
मुख्यमंत्री – माझी लाडकी बहीण योजनेअंतर्गत नारीशक्ती दूत या मोबाईल अॅपवरून ज्यांनी स्वतःचे वा अन्य लाभार्थीचे अर्ज केले असतील, अशा सर्व १. महिला २. समुह संसाधन व्यक्ती ३. बचत गट अध्यक्ष ४. बचतगट सचिव ५. गृहणी ६. अंगणवाडी सेविका/मदतनीस ७. ग्रामसेवक ८. वॉर्ड अधिकारी ९. सेतु १०. बालवाडी सेविका ११. आशा सेविका १२. पर्यवेक्षिका (मुख्यसेविका) १३. CMM2 १४. मदतकक्ष प्रमुख यांना आवाहन करण्यात येते की, नारीशक्ती दूत अॅप मधील आपल्या प्रोफाईलला लॉगीन करून यापुर्वी केलेले अर्ज या टॅगवर क्लिक करून आपल्याद्वारे सबमिट केलेले संपूर्ण अर्जाची यादी पाहू शकता. त्यामुळे Aprroved, Disapproved, Pending, Rejected असे शेरे आणि लाभार्थीचे नाव, मोबाईल नंबर सुध्दा पाहता येतील.
सर्व संबंधितांनी Disapproved असलेल्या सर्व लाभार्थ्यांना संपर्क करून अंशतः अर्ज रद्द होण्याचे कारण View Reason या टॅबवर बघुन त्याप्रमाणे आवश्यक कागदपत्रांची पूर्तता करून Edit Form टॅबवर जाऊन यापूर्वी केलेल्या नोंदी चुकीच्या असतील तर त्या दुरुस्त करुन Form Submit करावा, यामध्ये फक्त Form एकदाच Edit करता येईल, याची नोंद घ्यावी. असे मुंबई शहरच्या जिल्हा महिला व बालविकास अधिकारी तथा मुख्यमंत्री-माझी लाडकी बहीण योजना (Mukhyamantri Ladki Bahin) जिल्हा समन्वय अधिकारी शोभा शेलार यांनी कळविले आहे.
हेही पहा –
Join Our WhatsApp Community