मुंबईत बुधवारी मनसोक्त कोसळलेल्या पावसाने गुरुवारी थोडा ब्रेक घेतला आहे. काही ठिकाणी अतिवृष्टीची शक्यता असल्याचा, अंदाज मुंबई प्रादेशिक हवामान खात्याने व्यक्त केला. इतर दिवसांच्या तुलनेत मुंबईत 45 ते 66 ताशी वेगाने वारे वाहतील, त्यामुळे प्रवासादरम्यान गारवाही सातत्याने जाणवेल.
सकाळपासून मुंबईत पावसाच्या हलक्या सरी सुरु आहेत. बुधवारी रात्रीपासून मुंबईत पावसाचा जोर घटल्याने, मुंबईतील वाहतूक पूर्वपदावर आली. लोकलसेवाही सुरळीत सुरु राहिली. सकाळी हलक्या सरींसह दिवसाची सुरुवात झाली असली तरीही कुठेही वाहतूक कोंडी जाणवली नाही. मुंबईत दिवसभरापासून पावसाच्या हलक्या सरी सुरु आहेत.