मुंबईतल्या वडाळा अँटॉप हिल भागात चाळीची भिंत कोसळून मोठी दुर्घटना घडली आहे. या दुर्घटनेत २ महिलांचा मृत्यू झाला. मुंबईतल्या अँटॉप हिल भागातल्या विजय नगर येथील पंजा गल्लीतील ही घटना आहे. दुसऱ्या आणि तिसऱ्या मजल्यावरील भिंतीचा काही भाग कोसळून ही घटना घडली आहे. स्थानिक अग्निशमन दल, वॉर्डस्तरीय कर्मचारी, पोलीस आणि रुग्णवाहिका घटनास्थळी दाखल झाल्या आहेत. (Mumbai)
#UPDATE | 2 people died after a part of a house collapsed in Vijay Nagar located in the Antop Hill area of Mumbai: BMC https://t.co/1KNlPHfPC1
— ANI (@ANI) June 14, 2024
मिळालेल्या माहितीनुसार, शुक्रवारी रात्री ९.३०च्या सुमारास वडाळा अँटॉप हिलच्या विजय नगरमधील पंजा गल्ली परिसरात ही घटना घडली. चाळीच्या दुसऱ्या आणि तिसऱ्या मजल्यावरील आणि वरच्या ३ मजल्यांवरील भिंतीचा काही भाग कोसळला होता, तर काही भाग लटकलेल्या स्थितीत होता, अशी माहिती अग्निशमन दलाच्या अधिकाऱ्यांनी दिली आहे. शोभादेवी मौर्य (४५) आणि झाकिरुन्निसा शेख (५०) या २ महिलांचा या दुर्घटनेत मृत्यू झाला आहे. या दोन महिलांना उपचारांसाठी रुग्णालयात नेण्यात आले होते, मात्र डॉक्टरांनी त्यांना मृत घोषित केले. (Mumbai)
हेही पहा –