NCB : बार, पबच्या बाहेर दिसणार सूचना फलक; एनसीबी आदेशाचा परिणाम

एनसीबी (NCB)च्या सूत्रांनी दिलेल्या माहितीनुसार एनसीबीने महाराष्ट्रात किमान १,२०० बार, पब आणि रेस्टॉरंट्स यांची यादी तयार केली आहे, या यादीनुसार हे फलक त्या ठिकाणी लावले जाणार आहे. या १,२०० आस्थापनापैकी राज्य उत्पादन शुल्क विभागाच्या समन्वयाने ५८६ आस्थापनांवर यापूर्वीच या पद्धतीचे फलक लावण्यात आले आहेत, असे एका अधिकाऱ्याने सांगितले.

या उपक्रमाला आस्थापना (हॉटेल, बार, पब) मालकांकडून मोठा विरोध झाल्याचे सूत्रांनी सांगितले. “आम्हाला बार आणि हॉटेल मालकांचे अनेक कॉल आले होते की, बोर्ड लावण्याची गरज काय आहे. आम्ही त्यांना काटेकोरपणे पालन करण्यास सांगितले अन्यथा कायद्यानुसार त्यांच्यावर कारवाई केली जाईल, असे अधिकारी म्हणाले. सूचना फलक हे  प्रवेशद्वाराच्या बाहेर लावले पाहिजेत आणि ते ठळकपणे दिसले पाहिजेत. अमली पदार्थांचे सेवन आरोग्यासाठी अत्यंत हानिकारक आहे, हे तरुणांनी जाणून घेतले पाहिजे. हा एक उपक्रम आहे ज्याची आम्ही मोठ्या प्रमाणावर अंमलबजावणी करण्यास उत्सुक आहोत, असे अधिकाऱ्याने सांगितले.

(हेही वाचा Sanjay Raut : उबाठाचा पोपट आता तरी खरा ठरणार का?)