नियमांचे उल्लंघन केल्याप्रकरणी नाशिकमधील ४५ रुग्णालयांना (Hospital) महापालिकेच्या वैद्यकीय विभागामार्फत नोटीस बजावण्यात आल्या आहेत. शहरातील ५७१ खासगी रुग्णालयांची तपासणी करण्यात आली आहे. रुग्ण हक्क सनद न लावणे, दरपत्रक दर्शनी भागात नसणे तसेच परवाना नूतनीकरण न केल्याच्या गंभीर त्रुटी आढळून आल्या आहेत.
येत्या १५ दिवसांत संबंधित रुग्णालयांनी (Hospital) त्रुटींची पूर्तता न केल्यास रुग्णालयाचा परवाना रद्द केला जाणार आहे. दरपत्रक, सनद दर्शनी भागात नसणे, २७ प्रदूषण नियंत्रण मंडळाची वैधता नसणे, १२ अग्निशमन विभागाचा ना हरकत दाखला नसणे, कोरोनाच्या दुसऱ्या लाटेत खासगी रुग्णालयांकडून रुग्णांची आर्थिक लूट होत असल्याच्या तक्रारी प्राप्त झाल्यानंतर तत्कालीन महाविकास आघाडी सरकारने रुग्णांवरील उपचारांबाबतचे दर निश्चित करीत हे दरपत्रक रुग्णालयांमध्ये दर्शनी भागात लावण्याचे बंधन घातले होते.
(हेही वाचा पाकिस्तानने Rafale सोबत युद्ध सराव केल्याने भारत झाला सतर्क)
कोरोना काळात याची यशस्वी अंमलबजावणी झाली असली तरी, तिसरी लाट ओसरल्यानंतर रुग्णालयातील (Hospital) दरपत्रकही गायब झाले होते. त्यामुळे राज्याच्या आरोग्य विभागाने त्याचाच आधार घेत २०२१ मध्ये महाराष्ट्र शूश्रुषा अधिनियमात सुधारणा करीत खासगी रुग्णालयांनी रुग्णालयाच्या दर्शनी भागात दरपत्रक व रुग्णहक्क सनद लावणे बंधनकारक केले होते. त्यासंदर्भातील सर्व आदेश राज्यातील खासगी रुग्णालयांसह त्यांच्यावर नियंत्रण ठेवणाऱ्या स्थानिक स्वराज्य संस्थांना यासंदर्भातील कायद्याची अंमलबजावणी करण्याचे निर्देश राज्य सरकारने दिले होते. परंतु, त्याचीही अंमलबजावणी होत नाही.
Join Our WhatsApp Community