मुंबई महानगर प्रदेशातील झोपडपट्टी पुनर्वसन योजनांचे (SRA) काही प्रकल्प मुंबई महानगरपालिका, ठाणे महानगरपालिका, मुंबई महानगर प्रदेश विकास प्राधिकरण, सिडको व म्हाडा इत्यादी अन्य महामंडळे/प्राधिकरणे/ स्थानिक स्वराज्य संस्था यांच्यामार्फत संयुक्त भागीदारी (Joint Venture) तत्वावर राबविण्यासाठी उपरोक्त संदर्भाधीन २१ सप्टेंबर, २०२३ रोजीच्या शासन निर्णयान्वये मान्यता देण्यात आली आहे. झोपडपट्टी पुनर्वसन प्राधिकरणाकडून रखडलेल्या/प्रलंबित (ज्या योजनांमध्ये कोणतीही प्रगती झालेली नाही.) योजनांची माहिती संकलित करुन, जमीन मालकीच्या अनुषंगाने अशा योजनांची निवड करुन महापालिकेच्या जागेवरील योजना महापालिकेने राबविण्यासाठी तसेच म्हाडाच्या जागेवरील योजना म्हाडातर्फे राबविण्यासाठी व इतर शासकीय जमिनीवरील योजना विविध शासकीय / निमशासकीय संस्थांमार्फत संयुक्त भागीदारी (Joint Venture) तत्वावर राबविण्यासाठी मुंबई महानगर प्रदेशातील एकूण २२८ योजनांची निवड करण्यात आलेली आहे.
त्यानुषंगाने मुंबई महानगर प्रदेशातील झोपडपट्टी पुनर्वसन योजनांचे (SRA) काही प्रकल्प बृहन्मुंबई महानगरपालिका (BMC), महाराष्ट्र गृहनिर्माण व क्षेत्रविकास प्राधिकरण (MHADA), सिडको (CIDCO), महाप्रित (MAHAPRIT), महाराष्ट्र औद्योगिक क्षेत्रविकास महामंडळ (MIDC), महाहौसिंग (MAHAHOUSING), शिवशाही पुनर्विकास प्रकल्प मर्यादित (SPPL) व मुंबई महानगर प्रदेश विकास प्राधिकरण (MMRDA) इत्यादी शासकीय / निमशासकीय महामंडळे / प्राधिकरणे / स्थानिक स्वराज्य संस्था व झोपडपट्टी पुनर्वसन प्राधिकरण यांच्यामार्फत संयुक्त भागीदारी (Joint Venture) तत्वावर राबविण्यास मान्यता देण्याची बाब शासनाच्या विचाराधीन होती.
कोणाकोणाची भागीदारी असणार?
त्याचबरोबर मुंबई महानगर प्रदेशातील झोपडपट्टी पुर्नवसन योजना (SRA) यशस्वी होण्यासाठी संबंधित शासकीय / निमशासकीय महामंडळे / प्राधिकरणे / स्थानिक स्वराज्य संस्थांना संयुक्त भागीदारी (Joint Venture) तत्वावर योजना राबविण्यास व त्याअनुषंगाने संबंधित संस्थांना सुट/ सवलती देण्याची बाबही शासनाच्या विचाराधीन होती. मुंबई महानगर प्रदेशातील रखडलेल्या / प्रलंबित असलेल्या काही झोपडपट्टी पुनर्वसन योजना या बृहन्मुंबई महानगरपालिका (BMC), महाराष्ट्र गृहनिर्माण व क्षेत्रविकास प्राधिकरण (MHADA), सिडको (CIDCO), महाप्रित (MAHAPRIT), महाराष्ट्र औद्योगिक क्षेत्रविकास महामंडळ (MIDC), महाहौसिंग (MAHAHOUSING), शिवशाही पुनर्विकास प्रकल्प मर्यादित (SPPL) व मुंबई महानगर प्रदेश विकास प्राधिकरण (MMRDA) इत्यादी प्राधिकरणांमार्फत संयुक्त भागिदारी (Joint Venture) तत्वावर राबविण्यास शासन मान्यता देण्यात येत आहे.
महामंडळे / प्राधिकरणे/ स्थानिक स्वराज्य योजनांची संख्या सदनिकांची संख्या
- बृहन्मुंबई महानगर पालिका ७७ ५१,००२
- म्हाडा २४ ३३,९१५
- M.M.R.D.A. ५ २८,०५०
- M.S.R.D.C. ३८ २७,६४९
- सिडको ६ २५,७४०
- महाप्रित ५७ २६,०९४
- M.I.D.C. १२ २५,६६८
- महा. हौसिंग १ ८१३
- एकूण २२ ८२,१८,९३१
Join Our WhatsApp Community