पंतप्रधान नरेंद्र मोदी (PM Narendra Modi) पुन्हा एकदा रशियाच्या दौऱ्यावर जाणार आहेत. रशियाच्या अध्यक्षतेत कझान येथे आयोजित सोळाव्या ब्रिक्स परिषदेत सहभागी होण्यासाठी २२ व २३ ऑक्टोबरला पंतप्रधान रशियाला भेट देतील. भारतीय परराष्ट्र मंत्रालयाने ही माहिती दिली.
रशिया यंदा ब्रिक्सचे अध्यक्षपद भूषवत आहे. ब्रिक्समध्ये ब्राझील, रशिया, भारत, चीन आणि दक्षिण आफ्रिका यांचा समावेश आहे. एवढेच नाही तर सौदी अरेबिया, इराण, इथियोपिया, इजिप्त, अर्जेंटिना आणि संयुक्त अरब अमिराती हे त्याचे नवीन सदस्य आहेत.
(हेही वाचा – Fraud : माजी राज्यसभा खासदार यांची एका कथित वकिलाकडून फसवणूक)
अशा परिस्थितीत पीएम मोदी (PM Narendra Modi) त्या सर्व देशांच्या नेत्यांची भेट घेऊ शकतात. त्यामुळे पीएम मोदींचा हा २ दिवसांचा दौरा महत्त्वाचा ठरू शकतो. पीएम मोदी याच वर्षी ८ जुलै रोजी २ दिवसांसाठी रशियाला गेले होते. त्या दरम्यान पीएम मोदींना रशियाचा सर्वोच्च नागरी सन्मान ऑर्डर ऑफ सेंट अँड्र्यू द अपॉस्टलने सन्मानित करण्यात आले होते.
ब्रिक्सच्या महत्त्वाविषयी बोलताना, हे प्रमुख जागतिक समस्यांवर चर्चा करण्यासाठी एक महत्त्वाचे व्यासपीठ प्रदान करेल. परराष्ट्र मंत्रालयाने म्हटले आहे की, शिखर परिषद ब्रिक्सने सुरू केलेल्या उपक्रमांच्या प्रगतीचे मूल्यांकन करण्यासाठी आणि भविष्यातील सहकार्यासाठी संभाव्य क्षेत्रे ओळखण्याची मौल्यवान संधी देईल असा विश्वास व्यक्त करण्यात आला. (PM Narendra Modi)
हेही पहा –
Join Our WhatsApp Community