डाळींच्या दरात सातत्याने वाढ होत आहे. किराणा वस्तूंमधील डाळींच्या दरात सातत्याने होणारी वाढ (Pulses Price Hike) कमी करण्यासाठी सरकारने पावले उचलण्यास सुरुवात केली आहे.
देशांतर्गत बाजारात तूर आणि उडीद डाळीच्या किमती कमी करण्यासाठी सरकारने डाळींची आयात करण्याचा निर्णय घेतला आहे. केंद्र सरकार जानेवारीमध्ये ४ लाख टन तूर डाळ आणि फेब्रुवारीमध्ये म्यानमारमधून १ दशलक्ष टन उडीद डाळ आयात करणार आहे. कापणी सुरू असताना भारत तूर आयातीची घोषणा करत आहे. उत्पादन क्षेत्र घटल्यामुळे उत्पादन कमी होण्याची सरकारची अपेक्षा आहे.
(हेही वाचा – MLA Disqualification Case : अधिवेशन काळातही याचिकेवर सुनावणी घेणार – राहुल नार्वेकर)
ग्राहकांना दिलासा…
जानेवारी २०२४ महिन्यात सरकारने तूर आणि उडीद साठेबाजी रोखण्यासाठी आणि ग्राहकांना दिलासा देण्यासाठी साठेबाजीवर मर्यादा घातली आहे. ही साठेबाजी मर्यादा ३० ऑक्टोबरला संपणार होती, पण सरकारने ती डिसेंबर अखेरपर्यंत वाढवली.
सरकारी आकडेवारीनुसार,
मंगळवारी उडदाची अखिल भारतीय किरकोळ किंमत गेल्यावर्षीच्या तुलनेत ९,६२७.४८ रुपयांच्या तुलनेत ११,१९८.०९ रुपये प्रति क्विंटल होती. तूर (४९.९४ टक्के), हरभरा (११.१६ टक्के), मूग (१२.१७ टक्के) यांच्या किमतीत झपाट्याने वाढ झाल्यामुळे ऑक्टोबरमध्ये डाळींची किरकोळ महागाई १८.७९ टक्के झाली. सप्टेंबरमध्ये तूर महागाईचा दर ३७.०३ टक्क्यांहून जास्त होता.