पुण्यात नवले पूल (Pune Fire) (Navle bridge) स्वामीनारायण मंदिरानजीक सोमवारी (१६ ऑक्टोबर) दोन कंटेनरच्या धडकेत ट्रकने पेट घेतला. या आगीत काही जण अडकल्याची शक्यता व्यक्त होत आहे. या घटनेत ३ जणांचा होरपळून मृत्यू झाला असून काही जण गंभीर जखमी झाल्याची प्राथमिक माहिती मिळाली आहे. पुणे आणि पीएमआरडीए अग्निशमन दलाच्या ४ गाड्या घटनास्थळी दाखल झाल्या आहेत.
आग लागल्याची घटना पुणे व पीएमआरडीए अग्निशमन दलाला कळवण्यात आली. अग्निशमन दलाचे अधिकारी आणि जवानांनी गंभीर अवस्थेत अडकलेल्या व्यक्तींना बाहेर काढण्याचे काम सुरू केले आहे. अपघातात एक पुरुष, महिला व एका मुलीचा मृत्यू झाला असून जखमींना रुग्णालयात दाखल करण्यात आले आहे. या घटनेत दोन ते चार जण जखमी झाले असून अद्याप याला अधिकृत दुजोरा मिळालेला नाही.
(हेही वाचा – Israel-Palestine Conflict : ४ वर्षाच्या चिमुरडीने रुग्णालयात डोळे उघडले; पण… इस्त्रायल-हमास युद्धाची ह्रदयद्रावक कहाणी )
या घटनेत कंटेनरची केबिन पूर्णपणे जळून खाक झाली आहे. एका गंभीर जखमीला रुग्णालयात पाठवण्यात आले आहे. एका चिमुरडीला गंभीर अवस्थेत बाहेर काढून रुग्णालयात पाठवण्यात आले. अग्निशमन दलाचे अधिकारी आणि जवान घटनास्थळी दाखल झाले आहेत. अडकलेल्या लोकांना बाहेर काढण्याचे काम सुरू झाले आहे. आग कशामुळे लागली याचा शोध सुरू आहे. अग्निशमन दलाचे अधिकारी आग विझवण्यासाठी प्रयत्न करत आहेत.
Join Our WhatsApp Community