आपण म्हणतो गडदुर्गांवर जाऊन छत्रपती शिवाजी महाराजांकडून प्रेरणा घ्यावी. परंतु ही प्रेरणा का घ्यावी, तर हिंदवी स्वराज्य टिकवण्यासाठी आपण शिवकार्याची माहिती घेणे गरजेचे आहे. जगण्याची प्रेरणा मिळवण्यासाठी छत्रपती शिवाजी महाराज आणि स्वांतत्र्यवीर सावरकर यांचा इतिहास अभ्यासावा. देशासाठी लढायला हवे, कारण देशासाठी लढलो नाही तर तुम्हाला वाचवायला कुणीही उरणार नाही, असे विधान स्वातंत्र्यवीर सावरकर राष्ट्रीय स्मारकाचे कार्याध्यक्ष रणजित सावरकर (Ranjit Savarkar) यांनी केले. स्वातंत्र्यवीर सावरकर राष्ट्रीय स्मारकात आयोजित कार्यक्रमात ते बोलत होते.
( हेही वाचा : हिंदू देवतांबद्दल घृणास्पद विधान करणाऱ्या मौलाना रशिदीवर गुन्हा दाखल करा; Aniket Shastri Maharaj यांची राज्य सरकारकडे मागणी)
रणजित सावरकर म्हणाले की, हिंदू म्हणून जगायचं असेल तर हिंदूंचे राज्य असणे गरजेचे आहे. अन्यथा बांगलादेशातील हिंदूंसारखी आपली स्थिती होईल. त्याचबरोबर स्वसंरक्षण हा आपला अधिकार आहे. त्यासाठी प्रत्येक पालकांनी आपल्या मुलांना स्वसंरक्षणाचे धडे द्यायला हवेत, असे विधान करत स्वसंरक्षणाचे धडे घेण्याचे आवाहन स्मारकाचे कार्याध्यक्ष रणजित सावरकर (Ranjit Savarkar) यांनी तरुणांना केले.
श्री शिवराज्याभिषेक दिनोत्सव सेवा समिती दुर्गराज रायगड समितीच्या वतीने दिवाळीत छत्रपती शिवाजी महाराज आणि पराक्रमी वीरांच्या शौर्याचे प्रतीक असणारे गड दुर्ग साकारणाऱ्या मावळ्यांचा सन्मान करण्यासाठी ‘जागर गडदुर्गांचा, दीप दुर्गोत्सव सोहळा २०२४’ हा उपक्रम आयोजित करण्यात आला होता. यावेळी गडदुर्ग साकारणाऱ्या तरुण मावळ्यांना मान्यवरांच्या हस्ते सन्मानचिन्ह व प्रमाणपत्र देऊन गौरवण्यात आले. या कार्यक्रमाला ज्येष्ठ इतिहास संकलक आप्पा परब (Appa Parab), स्वातंत्र्यवीर सावरकर राष्ट्रीय स्मारकाचे कार्याध्यक्ष रणजित सावरकर, स्मारकाच्या कोषाध्यक्ष मंजिरी मराठे, कार्यवाह राजेंद्र वराडकर, श्री शिवराज्याभिषेक दिनोत्सव सेवा समिती दुर्गराज रायगड समितीचे अध्यक्ष सुनील पवार आदी मान्यवर उपस्थित होते. (Fort) (Appa Parab)
हेही पाहा :
Join Our WhatsApp Community