मध्य रेल्वेच्या ‘या’ स्थानकावर रविवारी विशेष ट्रॅफिक ब्लॉक

मध्य रेल्वेच्या बदलापूर स्थानकावर ६ मीटर रुंद फूट ओव्हर ब्रिज (FOB) बांधण्यासाठी गर्डर्स लाँच करण्यासाठी येत्या रविवारी विशेष ट्रॅफिक आणि पॉवर ब्लॉक असणार आहे. रविवार ३ जुलै रोजी सकाळी १०.५० ते दुपारी ०१.१० पर्यंत अंबरनाथ ते वांगणी दरम्यान मार्गावर हा मेगाब्लॉक असणार आहे.

( हेही वाचा : कोकणाला पश्चिम महाराष्ट्राशी जोडणारा सर्वात जुना घाट राहणार 3 महिने बंद!)

विशेष मेगाब्लॉक

• कल्याण येथून सकाळी १०.१३ ते दुपारी १.२६ पर्यंत अंबरनाथ/बदलापूर/कर्जतकडे जाणाऱ्या लोकल आणि बदलापूर येथून सकाळी १०.२६ ते दुपारी १.२२ पर्यंत सुटणाऱ्या गाड्या रद्द राहतील.
• ब्लॉक कालावधीत अंबरनाथ आणि कर्जत दरम्यान कोणतीही उपनगरीय सेवा उपलब्ध असणार नाही.

एक्सप्रेस गाड्यांचे मार्गबदल

17032 हैदराबाद – छत्रपती शिवाजी महाराज टर्मिनस एक्सप्रेस आणि 11014 कोईम्बतूर – लोकमान्य टिळक टर्मिनस एक्सप्रेस हि कर्जत – पनवेल – दिवा मार्गे वळवण्यात येईल. कल्याणकडे जाणाऱ्या प्रवाशांसाठी या गाड्यांना दिवा येथे थांबा दिला जाईल आणि निर्धारित वेळेपेक्षा या गाड्या १५ ते २० मिनिटे उशिरा पोहोचतील.