राज्यात आजपासून म्हणजेच 2 मार्चपासून दहावीची परीक्षा सुरु होत असून सकाळी 11 ते 2 या दरम्यान मराठीचा पेपर घेण्यात येणार आहे. दहावीच्या परीक्षेसाठी एकूण 15 लाख 77 हजार 256 विद्यार्थी परीक्षा देणार असून 533 परीक्षा केंद्रांवर ही परीक्षा घेण्यात येणार आहे. आजपासून सुरु होणा-या परीक्षेसाठी माध्यमिक बोर्डाने संपूर्ण तयारी केली आहे.
एकूण विद्यार्थीसंख्येमध्ये 8 लाख 44 हजार 16 मुले असून 7 लाख 30 हजार 62 मुले या परीक्षेला बसणार आहेत. राज्यात यंदा काॅपीमुक्त अभियान राबवले जात असून त्यासाठी आवश्यक त्या सूचना देण्यात आल्या आहेत.
( हेही वाचा: हिंदू धर्माच्या संरक्षण आणि प्रचारासाठी आंध्रप्रदेश सरकार प्रत्येक गावात बांधणार मंदिर )
विद्यार्थ्यांनो ‘या’ नियमांचे करा पालन
- मंडळाच्या अधिकृत उत्तरपत्रिका, पुरवण्या, आलेख, नकाशे, लाॅग टेबल, अनधिकृतपणे मिळवणे आणि वापर केल्यास पुढील एका परिक्षेस प्रतिबंध करण्यात येणार आहे.
- परीक्षेच्या प्रश्नपत्रिकांची चोरी करणे, मिळवणे, विकणे व विकत घेणे तसेच भ्रमणध्वनी आणि अन्य इलेक्ट्राॅनिक्स माध्यमावर प्रसारित केली तर पुढील पाच परीक्षांना प्रतिबंध करण्यात येणार आहे.