हार्बर मार्गावरून रेल्वे प्रवास करताय? ८ जानेवारीला प्रवाशांचा होणार खोळंबा

रविवार दिनांक ८ जानेवारी २०२३ रोजी हार्बर आणि ट्रान्सहार्बर मार्गावर मेगाब्लॉक असणार आहे. तर मध्य रेल्वेच्या मुख्य ( मेन) मार्गावर मेगाब्लॉक नसेल.

( हेही वाचा : मध्य रेल्वे मार्गावर दोन दिवस विशेष पॉवर ब्लॉक! लोकल गाड्यांवर होणार परिणाम)

ट्रान्सहार्बर आणि हार्बर मार्गावर मेगाब्लॉक

• मध्य रेल्वे मार्गावर दिनांक ८ जानेवारी २०२३ रोजी ट्रान्सहार्बर आणि हार्बर मार्गावर मेगाब्लॉक असणार आहे.
• ठाणे-वाशी/नेरुळट्रान्सहार्बर मार्गावर सकाळी ११.१० ते सायंकाळी ४.१० पर्यंत मेगाब्लॉक असेल.
• ठाणे येथून सकाळी १०.३५ ते सायंकाळी ४.०७ वाजेपर्यंत वाशी/नेरुळ/पनवेलसाठी सुटणाऱ्या आणि
  वाशी/नेरुळ/पनवेल येथून सकाळी १०.२५ ते सायंकाळी ४.०९ वाजेपर्यंत ठाण्यासाठी सुटणाऱ्या मार्गावरील गाड्या रद्द राहतील.
• छत्रपती शिवाजी महाराज टर्मिनस – चुनाभट्टी/वांद्रे हार्बर मार्गावर सकाळी ११.४० ते सायंकाळी ४.०९ वाजेपर्यंत आणि
  चुनाभट्टी/वांद्रे – छत्रपती शिवाजी महाराज टर्मिनस हार्बर मार्गावर सकाळी ११.१० ते सायंकाळी ४.१० वाजेपर्यंत मेगाब्लॉक असेल.
• छत्रपती शिवाजी महाराज टर्मिनस मुंबई/वडाळा रोड येथून सकाळी ११.०४ ते सायंकाळी ४.४७ वाजेपर्यंत या वेळेत वाशी/बेलापूर/पनवेलकरीता सुटणारी हार्बर मार्गावरील सेवा आणि छत्रपती शिवाजी महाराज टर्मिनस मुंबई येथून सकाळी १०.४८ ते सायंकाळी ४.४३ वाजेपर्यंत वांद्रे/गोरेगावकडे जाणारी हार्बर मार्गावरील सेवा गाड्या राहतील.
• पनवेल/बेलापूर/वाशी येथून सकाळी १०.०७ ते दुपारी ३.२० पर्यंत छत्रपती शिवाजी महाराज टर्मिनस मुंबईसाठी सुटणारी हार्बर मार्गावरील सेवा आणि गोरेगाव/वांद्रे येथून सकाळी १०.४५ ते सायंकाळी ५.१३ पर्यंत छत्रपती शिवाजी महाराज टर्मिनस मुंबईसाठी सुटणाऱ्या हार्बर मार्गावरील गाड्या रद्द राहतील.
• तथापि, ब्लॉक कालावधीत पनवेल ते कुर्ला (प्लॅटफॉर्म क्रमांक ८) दरम्यान विशेष सेवा चालवल्या जातील.
• हार्बर मार्गावरील प्रवाशांना दिनांक ८ जानेवारी २०२३ रोजी सकाळी १०.०० ते सायंकाळी ६.०० वाजेपर्यंत मेन लाईन आणि पश्चिम रेल्वे मार्गे प्रवास करण्याची परवानगी असेल.

या रविवारी मध्य रेल्वेच्या मेन लाईनवर मेगाब्लॉक नसेल.