Thane Fire : दोन मजली घराला आग, दोन जणांचा मृत्यू

दोन मजली घराच्या पहिल्या मजल्यावर लागलेल्या आगीत वृद्ध दाम्पत्याचा मृत्यू झाल्याची घटना ठाण्यातील घोडबंदर रोडवरील वाघबिळ येथे रविवारी (२६ नोव्हेंबर) पहाटेच्या सुमारास घडली. अभिमन्यू मढवी (६०), रमाबाई मढवी (५५) अशी दोघांची नावे आहेत. या आगीत इतर दोघांना वाचवण्यात अग्निशमन दलाला यश आले आहे.आगीचे कारण अस्पष्ट असून, शॉर्टसर्किटने आग लागल्याचा प्राथमिक अंदाज वर्तवण्यात आला आहे. (Thane Fire)

ठाण्यातील हिरानंदानी इस्टेट रोड येथील ‘मढवी निवास’ या घराच्या पहिल्या मजल्यावर शनिवारी पहाटे साडेतीनच्या सुमारास आग लागली. अग्निशमन दलाला घटनेची माहिती मिळताच जवानांनी तात्काळ घटनास्थळी धाव घेऊन कासारवडवली पोलिस, आपत्ती व्यवस्थापन कक्षाचे कर्मचारी यांच्या साह्याने बचावकार्याला सुरुवात केली. (Thane Fire)

(हेही वाचा : Workshop: स्वातंत्र्यवीर सावरकर राष्ट्रीय स्मारकातर्फे ‘फन विथ इलेक्ट्रॉनिक्स’ कार्यशाळेचे विनामूल्य आयोजन)

आपत्ती व्यवस्थापन आणि अग्निशमन दलाच्या जवानांनी घरात अडकलेल्या प्रणाली मढवी (३०), कवीश मढवी (१३), पलाश मढवी (१२) या तिघांची सुटका केली. तर अभिमन्यू मढवी आणि रमाबाई मढवी यांना जखमी अवस्थेत नजीकच्या हिरानंदानी रुग्णालयात दाखल केले असता आगीत श्वास कोंडल्याने दोघांना डॉक्टरांनी मृत घोषित केले. अग्निशमन दलाच्या जवानांनी साडेचार वाजता आगीवर नियंत्रण मिळवले.

हेही पहा –