Kunal Kamra प्रकरणामुळे हॅबीटेट हॉटेलवर पडणार हातोडा, महापालिकेकडून तपासणी सुरू!

• मुंबई विशेष प्रतिनिधि

कुणाल कामरा (Kunal Kamra) यांनी राज्याचे उपमुख्यमंत्री एकनाथ शिंदे (Eknath Shinde) यांच्यावर अप्रत्यक्ष विडंबन गीत सादर केले त्या हॉटेल वजा क्लब मधील हॉलची तोडफोड शिवसैनिकांनी केली असली तरी या क्लबचे बांधकाम नियमबाह्य असल्याने यावरही लवकरच हातोडा पडला जाणार आहे. या क्लब मधील तळघरात हा कार्यक्रम पार पडला होता. परंतु तळघरात हॉलचा वापर करता येत नसून याठिकाणी नियमबाह्य वापर झाल्याने या जागेचा वापर बंद करून त्यावर कारवाई केली जाणार आहे. याव्यतिरिक्त येथील मंजूर आराखडा आणि प्रत्यक्ष बांधकाम याची तपासणी सुरू असून त्यानंतर आढळून येणाऱ्या अनधिकृत बांधकामांवरही कारवाई केली जाणार असल्याची माहिती मिळत आहे.

(हेही वाचा – मुंबई- जोधपुर ट्रेनच्या शौचालयात स्पाय कॅमेरा लावून महिलांचे आक्षेपार्ह व्हिडिओ शूट; हाऊसकीपिंग करणाऱ्या Zahiuddin Shaikh याला अटक)

कुणाल कामरा (Kunal Kamra) यांनी खार पश्चिम येथील ज्या हॅबीटेट हॉटेल/क्लब (Habitat Hotel) मधील आयोजित कार्यक्रमात राज्याचे उप मुख्यमंत्री एकनाथ शिंदे (Eknath Shinde) यांच्यावर विडंबन गीत सादर केले. त्यामुळे शिवसैनिक प्रचंड आक्रमक झाले असून त्यांनी या क्लबच्या सभागृहाची तोडफोड केली. यानंतर कामरा यांच्या विरोधात एफआयआर (FIR) दाखल करण्यात आला. दरम्यान,महापालिकेच्या एच पश्चिम विभागाच्या अधिकाऱ्यांनी हॅबीटेट हॉटेल/क्लबच्या (Habitat Hotel) तात्पुरती शेडचे बांधकाम तोडले. क्लबच्या बाहेरील बाजूस हे तात्पुरती बांधकाम होते. ते महापालिकेच्या चमूने तोडून टाकले. तसेच हे हॉटेल पुढील तपासणी होईपर्यंत बंद ठेवण्याच्या सूचना करण्यात आल्या आहे. या क्लबची दिवसभर पाहणी करून मंजूर आराखडा आणि प्रत्यक्ष बांधकाम याची तपासणी करण्यात आली. तसेच मंगळवारीही ही तपासणी होणार आहे.

(हेही वाचा – BMC : सल्लागारांसाठी अभियंत्यांवर अन्याय नको)

महापालिकेच्या वरिष्ठ अधिकाऱ्यांच्या म्हणण्यानुसार, ज्या जागेत हा कार्यक्रम सादर झाला होता, ती जागा तळघराच्या जागेत आहे. तळघराच्या जागेत मनुष्य वावर नसावा, ती जागा सामान ठेवण्याची असते. त्यामुळे एकाप्रकारे नियमांचा भंग केलेला आहे. त्यामुळे याबाबतीत त्यांच्यावर कारवाई केलीच जाणार आहे. शिवाय मंजूर आराखडा आणि प्रत्यक्ष वापर यात अनधिकृत बांधकाम आढळून आल्यास त्यावरही हातोडा चालवला जाणार असल्याची माहिती मिळत आहे. महापालिका अधिकाऱ्यांच्या म्हणण्यानुसार, हे हॉटेल कामरा यांच्या मालकीचे नसून या जागेत या कार्यक्रमाचे सादरीकरण झाल्याने हे हॉटेल महापालिकेच्या रडारवर आले आहे. त्यामुळे मंगळवारी किंवा बुधवारी या हॉटेलवर कारवाई केली जाण्याची दाट शक्यता आहे. त्या दृष्टीकोनातून मंगळवारी नोटीस जारी केली जाण्याचीही दाट शक्यता वर्तविण्यात येत आहे.

हेही पहा –