मध्य रेल्वेचे (Central Railway) लोको पायलट/मोटरमन हे दररोज आपल्या मेल/एक्स्प्रेस आणि प्रवासी/उपनगरीय सेवांद्वारे प्रवाशांना एका ठिकाणाहून दुसऱ्या ठिकाणी नेण्यात महत्त्वाची भूमिका बजावतात. त्यांच्या कर्तव्यादरम्यान त्यांनी त्यांच्या सतर्कतेने आणि वेळीच व तत्पर कारवाई करून अनेकांचे प्राण वाचवले आहेत. (Loco Pilot)
(हेही वाचा – Monsoon Update: २३ जिल्ह्यांना पावसाचा अलर्ट: मुंबईत समुद्राला येणार भरती; जाणून घ्या पावसाचे काय आहेत अपडेट?)
गेल्या 13 जून रोजी, 11010 सिंहगड एक्स्प्रेसचे लोको पायलट ए ए खान (AA Khan) यांनी छत्रपती शिवाजी महाराज टर्मिनस (Chhatrapati Shivaji Maharaj Terminus) येथील प्लॅटफॉर्म क्रमांक 10 मध्ये प्रवेश करत असताना, ओएचई वर रेल्वे स्तरापर्यंत एक वायर लटकलेली दिसली. त्यांनी ताबडतोब ब्रेक लावला, अडथळ्याच्या संपर्कात येण्यापूर्वी ट्रेन थांबवली. नियंत्रण कार्यालय व इतर संबंधित कर्मचाऱ्यांना कळविण्यात आले आणि काही वेळातच तार काढून टाकण्यात आली. त्यांच्या सतर्कतेमुळे दुर्घटना टाळण्यास मदत झाली.
शैलेश कांबळे (Shailesh Kamble), मोटरमन, कुर्ला-कल्याण लोकल, सीके-6 वर काम करत असताना, 15 जून रोजी केएम 48/154 वर एक माणूस रुळावर पडलेला दिसला, त्यांनी तात्काळ ट्रेन थांबवली आणि ट्रेन मॅनेजरला कळवले. जखमी अवस्थेत सापडलेल्या या व्यक्तीला त्याच ट्रेनमध्ये नेऊन तत्काळ वैद्यकीय सेवेसाठी डोंबिवली येथील स्टेशन कर्मचाऱ्यांच्या ताब्यात देण्यात आले. कांबळे यांच्या सतर्कतेमुळे त्या व्यक्तीचा जीव वाचला. (Loco Pilot)
(हेही वाचा – निवडणुकीकरता देणग्या मिळवण्यासाठी Uddhav Thackeray गटाची उठाठेव; Sanjay Nirupam यांनी केली पोलखोल)
गेल्या 20 जून रोजी रोजी, एस सी मीना (SC Meena), मोटरमन, कल्याण लोकल, K-96 वर कार्यरत, यांना छत्रपती शिवाजी महाराज टर्मिनसच्या आधी सिग्नल क्रमांक S-54 वर ट्रॅकवर लोखंडाचा तुकडा पडलेला दिसला. त्यांनी तात्काळ इमर्जन्सी ब्रेक लावला आणि ट्रेन थांबवली. तो तुकडा काढून टाकण्यात आला आणि सर्व सुरक्षा नियमांचे पालन करून ट्रेन पुढे सरकली. त्याच्या सतर्कतेमुळे अनुचित घटना टाळण्यास मदत झाली.
गेल्या 20 जुन रोजी रोजी, दादर-डोंबिवली लोकल DDl-3 वर कार्यरत असलेले मोटरमन हरेंद्र कुमार, दादर येथे सिग्नल क्रमांक S-4 वरून पुढे गेल्यावर कार्यरत कॅबच्या चाकातून आवाज आला. त्यांनी ताबडतोब ब्रेक लावला दादर येथे ट्रेनची तपासणी केली असता चाकामध्ये लोखंडी तार अडकल्याचे आढळून आले. सर्व संबंधितांना माहिती देण्यात आली, स्टेशन कर्मचाऱ्यांनी सांगितलेल्या चाकाला अडकण्यापासून सुरक्षित केले आणि सर्व सुरक्षा नियमांचे पालन करून ट्रेन पुढे सरकली. त्याच्या सतर्कतेमुळे दुर्घटना टळली. (Loco Pilot)
(हेही वाचा – 8th Pay Commission चा प्रस्तावच नाही ?; काय म्हणते केंद्र सरकार…)
मध्य रेल्वे त्यांच्या प्रवासादरम्यान प्रवाशांच्या सुरक्षिततेची खात्री करण्यासाठी वचनबद्ध आहे आणि या गाड्या चालवणारे लोको पायलट/मोटरमन (Pilot/Motorman) या बांधिलकीचा आदर करण्यासाठी महत्त्वपूर्ण भूमिका बजावतात असून ते खरे जीवन रक्षक आहेत.
हेही पाहा –
Join Our WhatsApp Community