कोलकाता येथे प्रशिक्षणार्थी डॉक्टरवर (Doctor) झालेल्या बलात्कार आणि हत्येप्रकरणी देशभरातील निवासी डॉक्टर संपावर आहेत. आपत्कालीन परिस्थिती वगळता सर्व विभाग, ओपीडी, ओटी आणि वॉर्डांच्या सेवा ठप्प आहेत. ज्याचा थेट परिणाम ओपीडीमध्ये येणाऱ्या सर्व रुग्णांवर होत आहे. रुग्णांना उपचारासाठी अनेक अडचणींना सामोरे जावे लागत आहे.
दिल्लीतील सर्व रुग्णालयांमध्ये निवासी डॉक्टर (Doctor) संपावर आहेत, त्यामुळे ओपीडी सेवा, लेडी हार्डिंग मेडिकल कॉलेज, कलावती हॉस्पिटल, सुचेता कृपलानी, सफदरजंग हॉस्पिटल, राम मनोहर लोहिया (आरएमएल), लोकनायक हॉस्पिटल, जीबी पंत, दीनदयाल उपाध्याय यांच्यातील वैकल्पिक शस्त्रक्रिया बंद आहेत. रुग्णालय आणि प्रयोगशाळा बंद आहे. तर FAIMA डॉक्टर्स असोसिएशनने या प्रकरणाची सीबीआय चौकशी करण्याची मागणी केली आहे.
(हेही वाचा Hindenburg Research Report : सेबी अध्यक्ष आणि हिंडेनबर्ग यांच्यात आता आरोप-प्रत्यारोपाच्या फैरी)
डॉक्टरांच्या (Doctor) सुरक्षेचा प्रश्न आणि पश्चिम बंगालच्या संदर्भात, निवासी डॉक्टर्स असोसिएशनची एक टीम, ज्यामध्ये सर्व RDA चे प्रतिनिधी आहेत, आरोग्य सचिवांना भेटण्यासाठी निर्माण भवनात पोहोचले आहेत. या घटनेनंतर डॉक्टरांनी सरकारकडे केंद्रीय संरक्षण कायद्याची मागणी केली आहे. पोलीस या प्रकरणातील आरोपी संजय रॉयचे डीएनए मॅपिंग करणार आहेत. या प्रकरणात एकापेक्षा जास्त जणांचा सहभाग आहे का, याचा शोध घेण्यासाठी आरोपी संजयचा डीएनए नमुना पीडितेच्या शरीरातून गोळा केलेल्या वीर्याशी जुळवला जाणार आहे. देशभरात सुरू असलेल्या आंदोलनाच्या पार्श्वभूमीवर मेडिकल कॉलेज आणि हॉस्पिटलचे प्राचार्य डॉ. संदीप घोष यांनी राजीनामा दिला आहे.
Join Our WhatsApp Community