UGC-NET Exam Cancelled: पेपरमध्ये गैरप्रकार झाल्याचा संशय; केंद्राने प्रकरण सोपवले CBI कडे 

परीक्षा प्रक्रियेसंबंधी आवश्यक माहिती उमेदवारांना लवकरच उपलब्ध करून दिली जाईल.

124
SIAC Training साठी अर्ज करण्यास २० जुलैपर्यंत मुदतवाढ

NTA म्हणजेच नॅशनल टेस्ट एजन्सी (National Test Agency) द्वारे घेण्यात आलेल्या UGC-NEET च्या परीक्षा आणि निकालांबाबत मोठा गोंधळ झाला. तसेच NTA द्वारे घेण्यात येणारी UGC NET परीक्षा 2024 देखील रद्द करण्यात आली आहे. शिक्षण मंत्रालयाने (Education Ministry) घेतलेल्या निर्णयानुसार एनटीएने ही परीक्षा रद्द केली आहे. आता परीक्षा प्रक्रियेसंबंधी आवश्यक माहिती उमेदवारांना लवकरच उपलब्ध करून दिली जाईल. (UGC-NET Exam Cancelled)

वास्तविक, शिक्षण मंत्रालयाने घेतलेल्या निर्णयानुसार, नॅशनल टेस्टिंग एजन्सीने (NTA) UGC-NET परीक्षा रद्द करण्याची घोषणा केली आहे. यामध्ये प्रामुख्याने अनियमितता झाल्याचे संकेत मिळाल्याने परीक्षा रद्द करण्याचा निर्णय घेण्यात आल्याचे मानले जात आहे. तसेच देशभरातील विद्यापीठांमध्ये पीएचडी प्रवेश, ज्युनियर रिसर्च फेलोशिप म्हणजेच JRF आणि सहाय्यक प्राध्यापक पदासाठी UGC NET परीक्षा घेतली जाते. (UGC-NET Exam Cancelled)

(हेही वाचा – T20 World Cup, Ind vs Afg : भारत, अफगाणिस्तान लढतीतील आकड्यांचा खेळ, कोण फॉर्मात, कुणी जिंकले किती सामने?)

परीक्षा पेन-पेपर पद्धतीने घेण्यात आली

18 जून रोजी ही परीक्षा ओएमआर शीट वर म्हणजेच पेन-पेपर पद्धतीने घेण्यात आली. यावेळी यूजीसी नेटच्या 83 विषयांची परीक्षा एकाच दिवशी दोन शिफ्टमध्ये घेण्यात आली. पहिली शिफ्ट सकाळी 9.30 ते दुपारी 12.30 आणि दुसरी शिफ्ट दुपारी 3 ते 6 अशी होती. यापूर्वी, यूजीसी नेट परीक्षा ऑनलाइन सीबीटी म्हणजेच संगणक आधारित चाचणी होती. सर्व विषयांवर आणि सर्व केंद्रांवर एकाच दिवशी परीक्षा घेता याव्यात यासाठी हा बदल करण्यात आला आहे. याशिवाय दूरवरच्या केंद्रांवरही परीक्षा घेता येतात. (UGC-NET Exam Cancelled)

NEET परीक्षेत NTA वादाच्या भोवऱ्यात सापडली आहे

नॅशनल टेस्टिंग एजन्सी म्हणजेच NTA आधीच NEET UG 2024 वादाच्या आरोपांनी वेढलेली आहे. या प्रकरणी सर्वोच्च न्यायालयाने एनटीएला दोन आठवड्यांची नोटीसही बजावली आहे. त्याची पुढील सुनावणी 8 जुलै रोजी होणार आहे. (UGC-NET Exam Cancelled)

हेही पाहा – 

Join Our WhatsApp Community
Get The Latest News!
Don’t miss our top stories and need-to-know news everyday in your inbox.