Hoax calls : विमानांना मिळत असलेल्या खोट्या धमक्यांच्या फोन कॉल्सवर काय आहेत उपाययोजना?

खोट्या धमकीचे कॉल (Hoax calls) हा विमान वाहतूक सुरक्षेसाठी गंभीर धोका आहे. कॅनडा, यूएसए आणि यूकेमध्ये राहणाऱ्या खलिस्तानी घटकांकडून हे मोठ्या प्रमाणावर घडत आहे. या खोट्या धमक्यांचे कॉल/मेसेज/ईमेल्ससह X, Meta च्या सोशल मीडिया प्लॅटफॉर्मच्या माध्यमातून येत आहेत. हे सर्व प्लॅटफॉर्म यूएसएमध्ये आहेत आणि जगात कार्यरत आहेत.

एक्स मेटासह सोशल मीडिया प्लॅटफॉर्मच्या माध्यमातून भारताला अशा खोट्या धमक्या (Hoax calls) मिळत आहेत. त्यासंबंधी तसेच धर्माच्या नावाखाली तरुणांना कट्टरवादी बनवले जात आहे, क्रिप्टोकरन्सीच्या माध्यमातून होणारी निर्दयी फसवणूक इत्यादी गोष्टी थोपवण्यासाठी या सोशल मीडिया प्लॅटफॉर्मने सहकार्य केले पाहिजे. या सोशल मीडिया प्लॅटफॉर्मवर बरीच बनावट खाती आहेत. ती काढून टाकणे आवश्यक आहे. शिवाय, प्रत्येक खात्याची पडताळणी करणे आवश्यक आहे. भारत आणि भारतासारख्या अन्य देशांना अशा पोस्टपासून सुरक्षित करण्यासाठी यूएस, कॅनडा इत्यादी देशांनी कडक नियम बनवले पाहिजेत. अन्यथा, उदयोन्मुख अर्थव्यवस्थांमध्ये राज्य-प्रायोजित अराजकता निर्माण केली जाईल.

भारताकडून कठोर निर्बंध लादणे हा शेवटचा उपाय असेल. चीन, ब्राझीलसह अनेक देशांनी या प्लॅटफॉर्मवर बंदी घातली आहे. आज भारत या प्रँकचा बळी आहे. लवकरच हीच परिस्थिती तथाकथित प्रगत देशांसह इतर अनेक देशांची असेल. विमान वाहतूक सुरक्षा सुनिश्चित करण्यासाठी प्रत्येक देशाने सक्रियपणे सहभाग घेतला पाहिजे. कोणतीही आपत्ती आल्यास, अनेक देशांतील नागरिकांवर विपरित परिणाम होईल. खरं तर, आज सर्व विमानतळ आणि विमान कंपन्या यांची जास्तीत जास्त सुरक्षा पुरवण्यासाठी प्रत्येक देशाने कठोर पावले उचलण्याची आवश्यकता आहे. आज सर्व विमानतळ आणि विमान कंपन्या यांनी विमानांना अधिकाधिक सुरक्षा पुरवण्यासाठी पावले उचलली पाहिजेत. पण त्यादिशेने काही घडत नाही. यातून काही असामान्य घडण्याची शक्यता नाही. तरीही विमाने दुहेरी तपासणीसाठी वळवली जात आहेत. यामुळे लाखो डॉलरचे आर्थिक नुकसान होत आहे. अशा खोट्या धमक्यांच्या फोनविरोधात (Hoax calls) गंभीर पावले उचलण्यासाठी सोशल प्लॅटफॉर्मच्या मालकांना योग्य ती समज मिळावी.