मुंबई ईस्टर्न एक्स्प्रेस हायवेवर रविवारी रात्री साडेनऊच्या सुमारास भीषण अपघात झाला. या अपघातात तीनजण गंभीर जखमी झाले आहेत. जखमींना उपचारासाठी जवळच्या गोदरेज रुग्णालयात दाखल करण्यात आले आहे.
मिळालेल्या माहितीनुसार, एक स्विफ्ट डिझायर गाडी मुंबईहून ठाण्याकडे जात होती. दुस-या बाजूने एक रेंज रोव्हर डिस्कव्हरी ठाण्याहून मुंबईच्या दिशेने जात होती. त्याच दरम्यान स्विफ्ट डिझायरने दुभाजक तोडून पुलाच्या पलीकडून जाणा-या रेंज रोव्हर डिस्कवरीला धडक दिली. यामुळेच अपघात झाला. या अपघातात दोन्ही वाहनांचे मोठे नुकसान झाले आहे. दुभाजक तोडून दुसरीकडे गेलेल्या स्विफ्ट डिझायरचेही नुकसान झाले असून त्यात बसलेले 3 जण गंभीर जखमी झाले आहेत. घटनास्थळी उपस्थित लोकांनी पोलिसांच्या मदतीने तिनही जखमींना रुग्णालयात दाखल केले आहे. सध्या विक्रोळी पोलीस अपघाताच्या कारणाचा तपास करत आहेत.
( हेही वाचा: संजय राऊतांना ‘ते’ ट्वीट भोवणार? मराठा क्रांती मोर्चा दाखल करणार गुन्हा )
जखमींवर रुग्णालयात उपचार सुरु
विक्रोळीच्या नारायण गोदे उड्डाण पुलावर कार दुभाजकाला धडकून विरुद्ध दिशेला गेल्याने, दुस-या वाहनांवर धडकली. या भीषण अपघातात एकूण 3 जण जखमी तर एक जण गंभीर जखमी झाला आहे. जखमींवर रुग्णालयात उपचार सुरु आहेत.
Join Our WhatsApp Community