अली बाबा दास्तान-ए-काबुलमध्ये मुख्य भूमिका निभावलेली टीव्ही अभिनेत्री तुनिषा शर्मा हिने गळफास घेऊन शनिवारी आत्महत्या केली. या प्रकरणी तुनिषाची आई वनिता शर्मा यांनी तुनिषाचा सहअभिनेता शीजान खान याच्याविरोधात वालीव पोलीस ठाण्यात तक्रार दाखल केली होती. या तक्रारीनंतर भादवी 306 प्रमाणे वालीव पोलीस ठाण्यात गुन्हा दाखल करण्यात आला आहे. दरम्यान, तुनिषा शर्माचा मृतदेह शवविच्छेदनासाठी मुंबईच्या जेजे रूग्णालयात आणण्यात आला असून आज त्याचे शवविच्छेदन केले जाणार आहे.
(हेही वाचा – पॅराग्लायडिंग करताय? जरा जपून… पॅराग्लायडर अपघातात पुण्याच्या पर्यटकाचा मृत्यू)
शीजान सोबत तुनिषाचे प्रेमसंबंध
तुनिषा शर्मासोबत काम करणाऱ्या शीजान खानचे तिच्यासोबत प्रेम संबंध होते. त्या नैराश्यातून तिने हे पाऊल उचलले आहे. दरम्यान, शीजानला पोलीसांनी चौकशीसाठी शनिवारीच ताब्यात घेतले आहे. त्यानंतर शीजानला अटक करण्यात आली आहे. पोलिसांनी तुनिषाच्या आईच्या तक्रारीवरून शीजानला अटक केली असून त्यांच्यावर गुन्हा दाखल केला आहे.
शीजानने दिलेल्या माहितीनुसार, तुनिषाने बाबा: दास्तान-ए-काबुल सीरियलच्या सेटवर ज्या मेकअप रुममध्ये फाशी घेऊन आत्महत्या केली. ती रूम माझी होती. शुटिंग संपवून परत आलो. मेकअप रुमचा दरवाजा आतून बंद असल्याने दरवाजा तोडून आत शिरलो. त्यावेळी तुनिषाने आत्महत्या केली होती. तर असेही सांगितले जात आहे की, शनिवारी दुपारी दोघांनी एकत्र जेवण केले. त्यानंतर शीजान शूटिंगसाठी गेला, तेव्हा तिने त्याच्या रूममध्ये गळफास घेतला. याप्रकऱणी शीजानला आज वसई कोर्टात हजर करण्यात येणार आहे.
Join Our WhatsApp Community