स्कूल बस आणि ट्रक यांच्यात समोरासमोर झालेल्या धडकेत दोन जणांचा मृत्यू झाला आहे तर दहाहून अधिक विद्यार्थिनी जखमी झाल्या आहेत. बेळगाव जिल्ह्यातील अथणी येथे हा अपघात घडला. अपघातात स्कूल बस चालक आणि ट्रक चालकाचा मृत्यू झाला आहे. अथणीहून स्कूल बस विद्यार्थ्यांना घेऊन बनजवाड येथे निघाली होती. त्यावेळी प्लास्टिक पाईप भरुन नेणा-या ट्रकची आणि स्कूल बसची समोरासमोर धडक झाली.
पोलिसांनी दिलेल्या माहितीनुसार, अकरावी आणि बारावीच्या विद्यार्थिनी बसमधून प्रवास करत होत्या. अपघात झाल्यावर विद्यार्थीनी घाबरुन गेल्या होत्या. यावेळी बसमध्ये अडकून पडलेल्या एका विद्यार्थिनीला अपघातस्थळी जमलेल्या लोकांनी बाहेर काढले. अपघातस्थळी विद्यार्थ्यांच्या स्कूल बॅग आणि जेवणाचे डबे विखुरले होते. जखमी विद्यार्थ्यांना स्थानिक रुग्णालयात उपचारासाठी दाखल करण्यात आले आहे.
( हेही वाचा: सोमालियात मुंबईसारखा हमला; हयात हाॅटेलमध्ये शिरले आतंकवादी; 12 जणांचा मृत्यू )
नेमकं काय घडलं?
शनिवारी सकाळी साडेसात वाजता स्कूल बस विद्यार्थ्यांना घेऊन निघाली होती. त्यावेळी मिरजहून अथणीकडे पाईप भरुन येणा-या ट्रकची आणि स्कूल बसची जोरदार धडक झाली. अपघात झाल्यावर बसमधील विद्यार्थ्यांनी घाबरुन आरडाओरड केला. जखमी विद्यार्थिनींना पाहून अन्य विद्यार्थी घाबरुन गेले होते. बसमध्ये अपघात झाल्यावर काही विद्यार्थिनी अडकून पडल्या होत्या. त्यांना तेथे जमलेल्या लोकांनी ब-याच प्रयत्नांनतर बाहेर काढले. स्कूल बस चालकाच्या जवळ बसलेल्या विद्यार्थ्यांना हाॅस्टेलमधून हायस्कूल आणि काॅलेजकडे नेत असताना अपघात घडला.
Join Our WhatsApp Community