कांदिवली येथे बेस्ट बस अडवून चालकाला मारहाण केल्याप्रकरणी दुचाकीस्वाराला चारकोप पोलिसांकडून अटक करण्यात आली आहे. सरकारी कामात अडथळा निर्माण करणे व चालकाला मारहाण केल्याप्रकरणी दुचाकीस्वाराविरुद्ध गुन्हा दाखल करण्यात आल्याची माहिती पोलिसांनी दिली आहे.
( हेही वाचा : WTC 2023 : दक्षिण आफ्रिकेच्या पराभवाचा टीम इंडियाला फायदा! वर्ल्ड टेस्ट चॅम्पियनशिपमध्ये भारताला संधी)
बसचालकाला मारहाण
भावेश पवार हे बेस्ट चालक नालासोपारा येथील रहिवासी आहेत. कांदिवली रेल्वे स्थानक ते चारकोप या मार्गावर ते बसचालक आहेत. मिलन जंक्शन चौक येथून बस जात असताना एका दुचाकीस्वाराने बससमोर दुचाकी उभी केली त्यामुळे भावेश पवार यांनी बस थांबवली. दुचाकीस्वाराकडून शिवीगाळ करण्यास सुरूवात झाली. त्यानंतर या तरुणाने बसचालकाला मारहाण केली.
पोलिसांकडून दुचाकीस्वाराला अटक
तरुणाने बसचालक भावेश पवार यांना खाली खेचून त्यांचा गणवेशही फाडला. त्यावेळी पोलिसांनाही या दुचाकीस्वाराला थांबवण्याचा प्रयत्न केला परंतु या तरुणाने पोलिसांनाही धमकावले तसेच कॉलर पकडली. या प्रकारानंतर स्थानिकांना या दुचाकीस्वाराला पकडले आणि चारकोप पोलीस ठाण्यात नेले. यानंतर सरकारी कामात अडथला निर्माण केल्याप्रकरणी या तरुणाला पोलिसांकडून अटक करण्यात आली आहे.
Join Our WhatsApp Community