पंजाब काॅंग्रेसचे माजी अध्यक्ष नवज्योत सिंग सिद्धू यांना सर्वोच्च न्यायालयाने त्यांच्यावर सुरु असलेल्या रोड रेज प्रकरणी 1 वर्षाच्या कारावासाची शिक्षा सुनावली आहे. हे प्रकरण 34 वर्ष जुने आहे. नवज्योत आणि त्याच्या मित्राची पटियाळा येथील कार पार्किंगवरुन वाद झाला. आ वादात 65 वर्षीय व्यक्तीचा मृत्यू झाला होता. या प्रकरणी नवज्योत सिंग सिद्धू यांना एका वर्षाची कारावासाची शिक्षा देण्यात आली आहे.
SC allows review application, imposes one-year rigorous imprisonment on Congress leader Navjot Singh Sidhu in a three-decade-old road rage case pic.twitter.com/cyYfsXh92o
— ANI (@ANI) May 19, 2022
( हेही वाचा: नवलानी प्रकरणाचं काय झालं? सरकारचा तपास कुठंवर आलाय? सोमय्यांचा सरकारला सवाल)
सर्वोच्च न्यायालयाने ठरवले दोषी
संबंधित प्रकरणात सत्र न्यायालयाने पुरावे नसल्याने, 1999 साली निर्दोष ठरवले. त्यानंतर हे प्रकरण उच्च न्यायालयात गेले. उच्च न्यायालयाने 2006 साली सिद्धूला 3 वर्षांची शिक्षा आणि 1 लाख रुपये दंड केला. या विरोधात सिद्धू यांनी सर्वोच्च न्यायालयात याचिका दाखल केली. 16 मे 2018 रोजी हत्येचा हेतू नसल्याचे, सांगून सर्वोच्च न्यायालयाने सिद्धू यांना आरोपातून मुक्त केले. पण, आयपीसी कलम 323 नुसार दोषी ठरवले.
1988 चे जुने प्रकरण
सिद्धू यांच्यावर 1988 सालचे रोडरेज प्रकरण आहे. सिद्धूचे पटियाला येथे कार पार्किंगवरुन 65 वर्षीय गुरनाम सिंह या व्यक्तीशी भांडण झाले होते. सिद्धू यांच्यावर असा आरोप आहे की, या वादात त्यांनी मारहाण देखील केली होती. त्यानंतर गुरुनाम यांचे निधन झाले. पंजाब पोलिसांनी सिद्धू आणि त्यांचे मित्र रुपिंदर सिंह सिद्धू यांच्यावर हत्येचा गुन्हा दाखल केला होता.
Join Our WhatsApp Community