मध्य प्रदेशात भीषण अपघात; १४ जणांचा मृत्यू तर ४० जण जखमी

मध्य प्रदेशात रिवामध्ये भीषण अपघात झाला आहे. या अपघातामध्ये १४ जणांचा मृत्यू झाला असून ४० जण जखमी झाल्याची प्राथमिक माहिती मिळत आहे. या अपघाताबाबत माहिती मिळताच स्थानिक नागरिक घटनास्थळी दाखल झाले. मध्य प्रदेशातील रीवाजवळील राष्ट्रीय महामार्ग ३० वर एका खासगी बसला हा अपघात झाला.

( हेही वाचा : मध्य रेल्वेचा मोठा निर्णय; प्लॅटफॉर्म तिकीट झाले पाचपट महाग)

मध्य प्रदेशात रिवामध्ये अपघात; दिवाळी साजरी करण्यासाठी निघाले होते कामगार

ही खासगी बस हैदराबादहून गोरखपूरला जात बोती. रात्री ११.३० वाजता च्या सुमारास रिवाजवळ हा अपघात झाला आहे. बसमधील सर्व प्रवासी कामगार होते. दिवाळी साजरी करण्यासाठी हे कामगार आपल्या घरी जात होते. घटनास्थळी स्थानिकांकडून आणि पोलिसांच्या पथकाकडून बचावकार्य सुरू आहे.

MP | 14 dead, 40 injured in a collision b/w a bus & trolley near Suhagi Pahari in Rewa. Of the 40 injured, 20 admitted to a hospital in Prayagraj (UP). Bus was going from Hyderabad to Gorakhpur. All people on the bus are reportedly the residents of UP: Navneet Bhasin, SP Rewa pic.twitter.com/z7M8AhKJWJ

— ANI MP/CG/Rajasthan (@ANI_MP_CG_RJ) October 22, 2022

अपघाताचे नेमके कारण अस्पष्ट 

अपघाताचे नेमके कारण काय हे अद्याप स्पष्ट झालेले नाही. प्राथमिक माहितीनुसार समोरून येणाऱ्या दुसऱ्या वाहनाशी या बसची धडक झाली होती. अपघातात अनेक जण गंभीर जखमी असून त्यांना रूग्णवाहिकेतून रुग्णालयात दाखल केले जात आहे.