अटारी सीमेवर 700 कोटींचे हेरॉईन जप्त, अफगाणिस्तानातून आली 102 किलोची खेप

पंजाबच्या अटारी सीमेवर सीमा शुल्क विभागाने रविवारी 102 किलो हेरॉईन पकडले. अफगाणिस्तानातून येणाऱ्या दारूत हे हेरॉईन लपवून ठेवण्यात आले होते. पाकिस्तान चेकपोस्टवर जप्त करण्यात आलेल्या या अंमली पदार्थांची किंमत सुमारे 700 कोटी रुपये असून याप्रकरणी चौघांना अटक करण्यात आली आहे.

ट्रकच्या गोणीत दारूसह हेरॉईन लपवले

अफगाणिस्तानातून आयसीपी अटारी येथे आलेल्या ट्रकच्या गोणीत दारूसह लाकूड लपवले होते. तपासणी केली असता हे प्रकरण पुढे आले. काही लाकडांवर डाग दिसल्यानंतर अधिकाऱ्याला संशय आला. संशयाच्या आधारे कस्टम अधिकाऱ्यांच्या उपस्थितीत पिशव्या उघडण्यात आल्या.यावेळी लहान दंडगोलाकार छिद्र दिसले. या छिद्रांमध्ये हेरॉईन लपवण्यात आली होती. रात्रभर कस्टमचे पथक हेरॉईन बाहेर काढत राहिले.

(हेही वाचा – आता सव्वा तासात औरंगाबादहून गाठा पुणे, असा असणार नवा मार्ग!)

आतापर्यंतची दुसरी सर्वांत मोठी कारवाई

यावेळी पथकाला 102 किलो हेरॉईन सापडले. आतापर्यंतची ही दुसरी सर्वांत मोठी कारवाई आहे. यापूर्वी 2019 मध्ये आयसीपी अटारी येथे 584 किलो हेरॉईन पकडण्यात आली होती. दारूची ही खेप अफगाणिस्तानातील मजार-ए-शरीफ शहरातून अलीम नजीर कंपनीने दिल्लीतील व्यापाऱ्याकडे पाठवली होती. त्यात हेरॉईन कोणी आणि कोणासाठी ठेवले होते, याचा तपास सुरू झाला आहे.

तालिबान्यांनी शेकडो किलो हेरॉईन भारतात ढकलले 

अफगाणिस्तान आणि पाकिस्तानमधील तालिबानी लोकांकडून शेकडो किलो हेरॉईन अटारी आणि सागरी मार्गाने भारतात ढकलले जात आहेत, या आशयाचे ट्वीट माजी पोलीस महासंचालक प्रविण दिक्षीत यांनी सोमवारी केले आहे. रविवारी अटारी येथे 300 किलो हेरॉईन आणि 300 किलो पाक बोटीतून अल हज जप्त करण्यात आले. अमली पदार्थांना नाही म्हणण्यासाठी तरुणांनी पुढे येण्याची गरज ! असेही त्यांनी ट्वीटमध्ये म्हटले.

प्रतिक्रिया द्या

Please enter your comment!
Please enter your name here