नांदेडमध्ये चिकनच्या दुकानांना आग…शेकडो कोंबड्या जळून खाक

नांदेड शहरातील तरोडा नाका येथे ६ चिकनच्या दुकानांना आग लागली आहे. या आगीमध्ये ६ दुकानांमधल्या शेकडो कोंबड्या जळून खाक झाल्या आहेत. भाग्यनगर पोलीस ठाण्यासमोर चिकन विक्री करणाची, पत्र्याची शेड असलेली दुकाने आहेत. याभागातील एका गादी बनवणाऱ्या दुकानाला अचानक आग लागली ही, आग आजूबाजूच्या चिकन-मटणच्या दुकानात पसरली. यात एकूण सहा दुकानांमधील लाखो रुपयांचे साहित्य आणि शेकडो कोंबड्या जळून खाक झाल्या आहेत.

( हेही वाचा : १ जून पासून मुंबई पोलिसांचा मोफत ‘बेस्ट’ प्रवास बंद होणार )

शेकडो कोंबड्या जळून खाक

या आगीमध्ये कोणतीही मनुष्यहानी झाली नाही परंतु शेकडो कोंबड्या जळून खाक झाल्या आहेत. चिकन व्यवसायिकांचेही मोठे नुकसान झाले आहे. याभागात वेळीच अग्निशामक दलाच्या गाड्या दाखल झाल्या आहेत. पाण्याचा मारा होईपर्यंत हा परिसर आगीच्या ज्वाला आणि धुराच्या लोटांनी धगधगत होता. आग विझवण्यात अग्निशामक दलाला यश आले आहे.