उत्तर भारतीय संघात डॉ.राम मनोहर त्रिपाठी वाचनालयाचे उद्घाटन

मुंबई वांद्रे पूर्व येथील उत्तर भारतीय संघ भवन येथे गुरुवारी डॉ. राम मनोहर त्रिपाठी वाचनालयाचे भव्य उद्घाटन संपन्न झाले. ग्रंथालयाचे उद्घाटन डॉ.त्रिपाठी यांच्या कन्या डॉ.मंजू पांडे आणि मुलगा व ज्येष्ठ पत्रकार अनुराग त्रिपाठी यांच्या हस्ते झाले. कार्यक्रमाचे आयोजन उत्तर भारतीय संघाचे अध्यक्ष संतोष आर.एन.सिंग यांनी केले होते.

( हेही वाचा : अलर्ट! शुक्रवारी पाणीपुरवठा 8 तासांसाठी राहणार बंद)

लायब्ररीचे उद्घाटन करताना अनुराग त्रिपाठी वडिलांच्या आठवणीत म्हणाले, बाबूजी अतिशय मवाळ होते. त्यांनी आम्हाला कधीही शिवीगाळ केली नाही. आमचं कुटुंब इतकं साधं होतं की इतर मुलांप्रमाणे आम्हीही इतरांच्या घरी जाऊन टीव्ही बघायचो. वडील नगरविकास, गृहनिर्माण मंत्रीही होते, पण त्यांच्याकडे स्वतःचे घरही नव्हते. आम्ही नानाजींच्या घरी राहायचो. बाबूजींच्याजवळ प्रामाणिक कार्यकर्ते होते. “त्यांनी सर्वांना साथ दिली, म्हणूनच त्यांच्या मृत्यूच्या २० वर्षांनंतरही आम्ही त्यांची आठवण काढत आहोत. संतोष आरएन सिंहबद्दल अनुराग त्रिपाठी म्हणाले की, संतोष सिंह त्यांच्या वडिलांप्रमाणे शौर्य दाखवत आहेत यामुळे नव्या पिढीत नवचैतन्य निर्माण झाले आहे.

स्वप्न पूर्ण करण्याच्या दिशेने वाटचाल

यावेळी उत्तर भारतीय संघाचे अध्यक्ष संतोष आर.एन.सिंग म्हणाले की, आजचा दिवस अभिमानाचा आहे. आजच्या तरुण पिढीला आपल्या पूर्वजांचा वारसा कळावा, म्हणून हे वाचनालय सुरू करण्यात आले आहे. डिसेंबर महिन्यात उत्तर भारतीय संघातर्फे सामूहिक विवाह परिषदेचे आयोजन करण्यात येणार असल्याचे त्यांनी सांगितले. दिवंगत आर.एन.सिंग यांचे स्वप्न होते की, उत्तर भारतीय संघ भवनाची किर्ती इतकी पसरेल की लोक बाहेरून ते पाहण्यासाठी येथे येतील. हे स्वप्न पूर्ण करण्याच्या दिशेने आम्ही वाटचाल करत आहोत. एम एम आर प्रदेशातील लोकांना जास्तीत जास्त उत्तर भारतीय संघाशी जोडण्याचा प्रयत्न केला जाईल.

कार्यक्रमाचे आयोजन माजी मंत्री व खासदार रमेश दुबे, माजी खासदार हरबंस सिंह, भाजप आमदार राजहंस सिंह, माजी मंत्री नसीम खान, चंद्रकांत त्रिपाठी, राधेश्याम तिवारी, जीपी सिंह, शारदा प्रसाद सिंग, रमेश बहादूर सिंग यांनी केले. द्वारिका प्रसाद मिश्रा, मीरा-भाईंदर भाजपचे अध्यक्ष रवी व्यास, हरीश सदस, कन्हैयालाल सराफ, मुंबई भाजप उपाध्यक्ष अमरजीत सिंह, मुंबई भाजप प्रवक्ते उदय प्रताप सिंह आणि अजय सिंह, मुंबई काँग्रेस उत्तर भारतीय मोर्चाचे कार्याध्यक्ष अवनीश सिंह आरटीआय कार्यकर्ते , अनिल गलगली, त्रिवेदी, राम बक्ष सिंग, अखिलेश सिंग यांच्यासह उत्तर भारतीय पत्रकार मोठ्या संख्येने उपस्थित होते. कार्यक्रमाचे संचालन उत्तर भारतीय संघाचे युवा अध्यक्ष संजय सिंग यांनी केले.

प्रतिक्रिया द्या

Please enter your comment!
Please enter your name here