लातूर जिल्ह्यातील (Latur) बोरगाव काळे परिसरात एसटी (ST) बस उलटल्याने भीषण अपघात झाला आहे. मंगळवारी सकाळी हा अपघात झाला. एसटीतील (MSRTC)45 प्रवासी जखमी झाले आहेत. यापैकी 14 प्रवाशांची प्रकृती गंभीर असून त्यांना तातडीने लातूरच्या रुग्णालयात उपचारासाठी हलवण्यात आले आहे. या अपघातात जीवितहानी झाल्याची कोणतीही माहिती समोर आलेली नाही.
लातूर- पुणे वल्लभनगर (Latur Pune Vallabhnagar) ही एसटी निलंगा आगारातून पुण्याच्या (Pune) दिशेने जात होती. त्यावेळी चालकाचे एसटीवरील नियंत्रण सुटले आणि मुरुड जवळील बोरगाव काळे येथील पुलावरुन बस खाली उतरली. बसमधील प्रवासी जोरात आदळले गेले. याशिवाय एसटी बसची पुढील काच तुटल्याने अनेक प्रवाशांना गंभीर इजा झाली आहे.
( हेही वाचा: प्रसिद्ध अभिनेत्री पल्लवी जोशी जखमी; चित्रपटाच्या शूटिंगदरम्यान घडली दुर्घटना )