मांस खाताय? मग तुम्ही जागतिक तापमान वाढीला जबाबदार आहात

पर्यावरणाची काळजी घ्या, गो ग्रीन अशी घोषणाबाजी आपण सर्वांनी ऐकलीच असेल. पर्यावरणाचा दिवसेंदिवस होत असलेला -हास रोखणे सध्या अत्यंत महत्त्वाचे आहे. वाढती तापमानवाढ आणि प्रदूषण यांमुळे जगाला अनेक समस्यांचा सामना करावा लागत आहे. यासाठी अनेक उपाय सुचवण्यात येत आहेत. याच बाबतीत आता एक धक्कादायक माहिती समोर आली आहे. जागतिक तापमानाच्या वाढीत मांस उत्पादनामुळे वृद्धी होत असल्याचे समोर येत आहे.

60 टक्क्यांपेक्षा जास्त कार्बन उत्सर्जन

एका नवीन अभ्यासात असे आढळून आले आहे की, इतर व्यवसायांमधून जेवढे कार्बन उत्सर्जन होत नाही त्यापेक्षा 60% जास्त उत्सर्जन मांस उत्पादनामुळे होत आहे. वनस्पती-आधारित खाद्यपदार्थांच्या उत्सर्जनाच्या तुलनेत पशुखाद्यासाठी लागणारे मांस आणि पिकांचे उत्पादन एकत्रितपणे 28 पट अधिक हरितगृह वायूंचे उत्सर्जन करतात. नेचर जर्नलमध्ये प्रकाशित झालेल्या आणि इलिनॉय विद्यापीठाच्या हवामान शास्त्रज्ञांनी लिहिलेल्या अहवालानुसार संपूर्ण अन्न उत्पादन चक्र आणि त्याचे हवामान बदलावर होणारे परिणाम याबाबत सखोल तपशील दिला आहे.

(हेही वाचाः त्याच्या खात्यात जमा झाले लाखो रुपये! म्हणाला मोदींनी पाठवले आहेत, पण…)

असे आहे उत्सर्जन

मांसासाठी प्राण्यांना मारण्याच्या नैतिकतेवर शतकानुशतके चर्चा केली जात आहे. परंतु अलीकडच्या वर्षांत मोठ्या प्रमाणात हवामानात बदल झाल्याने मांसाहारी लोकांनी याकडे लक्ष देण्याची गरज आहे. अभ्यासानुसार, दरवर्षी जगातील संपूर्ण अन्न उत्पादन प्रणालीत सुमारे 17.3 अब्ज मेट्रिक टन हरितगृह वायू उत्सर्जित होतात. 2019 मध्ये हरितगृह वायू उत्सर्जनात भारताचा वाटा 300 दशलक्ष मेट्रिक टनपेक्षा कमी आहे.

गोमांसामुळे मिथेनची निर्मिती

परंतु गोमांसामुळे प्रती किलोग्राम ६० किलो हरितगृह वायू उत्सर्जित होतो. या उच्च पातळीच्या उत्सर्जनाचे एक कारण असे आहे की गाई आणि मेंढ्या मोठ्या प्रमाणात मिथेनची निर्मिती करतात. रुमिनंट पाचन प्रक्रियेचे उपउत्पादन म्हणून, विशेष जीवाणूंवर अवलंबून असतात जे गवत तोडू शकतात. हरितगृह वायू म्हणून मिथेन CO2 पेक्षा 34 पट अधिक शक्तिशाली आहे.

(हेही वाचाः ‘या’ वादळामुळे होऊ शकते तुमचे इंटरनेट बंद)