धुळे तालुक्यातील गरताड शिवारात एसटी बसचा भीषण अपघात झाला आहे. त्यात सुदैवाने जिवीतहानी झाली नाही. मात्र, चालकासह दहा प्रवासी जखमी झाले आहेत. त्यांना तत्काळ जिल्हा रूग्णालयात दाखल करण्यात आले असून अचानक ट्रक थांबल्यामुळे हा अपघात झाल्याचे सांगितले जात आहे. सुरेश नवसुर एकनार, महेंद्र मगन पाटील, निलम तानजी भोसले, राज प्रकाश पाटील, सोनम पाटील, राहुल पाटील, तानाजी भोसले, हिरामण पाटील, हेमंत पाटील, नयन साईराज अशी जखमी प्रवाशांची नावे आहेत. यातील एक जण गंभीर असल्याचे सांगितले जात आहे. एमएच20 (1854) या क्रमाकांची औरंगाबाद-शिंदखेडा ही बस १६ डिसेंबरला सकाळी पावणे अकरा वाजेच्या सुमारास धुळ्याकडे जात होती.
( हेही वाचा : मुंबईतील ९२ हजार फेरीवाल्यांना पंतप्रधान स्व:निधी मंजूर)
या बसमधील दहा प्रवासी जखमी झाले आहेत. जखमी प्रवाशांना तत्काळ जिल्हा रूग्णालयात दाखल करण्यात आले. अपघातानंतर महामार्गावरील वाहतूक काही काळ विस्कळीत झाली होती.
Join Our WhatsApp Community