मुंबईच्या ओशिवारा येथील फर्निचर मार्केटमधील फर्निचर दुकानांना सोमवारी दुपारी भीषण आग लागली आहे. ही आग काही वेळातच दुकानांजवळील झोपड्यांपर्यंतही पसरली आहे. अग्निशमन दलाच्या 15 गाड्या, 10 पाण्याचे टॅंकर्स घटनास्थळी पोहोचले आहेत. आगीवर नियंत्रण मिळवण्याचे काम युद्धपातळीवर सुरु करण्यात आले आहे. दरम्यान, आगीत सिलिंडरचे स्फोट होत असल्याचीही माहिती मिळाली आहे. आगीचे नेमके कारण अद्याप स्पष्ट झालेला नाही. तसेच, कोणतीही जीवितहानी झाल्याचेही वृत्त समोर आलेले नाही.
( हेही वाचा: समृद्धी महामार्गावरील नागपूर-शिर्डी बस सेवा स्थगित; ‘हे’ आहे कारण )