सोमालियामध्ये मुंबईतील 26/11 दहशतवादी हल्ल्यासारखी घटना घडली आहे. मुंबईतील ताज हाॅटेलप्रमाणे दहशतवाद्यांनी सोमालियाची राजधानी मोगादिशू येथील हाॅटेल हयातमध्ये घुसखोरी करुन ताबा मिळवला आहे. या हाॅटेलमध्ये अतिरेक्यांनी अंधाधूंद गोळीबार केला आहे. त्यात 12 जण ठार झाल्याचे वृत्त आहे. या हल्ल्यात अनेक जण जखमी झाले आहेत. जखमींमध्ये अनेक परदेशी पर्यटक असल्याचेही सांगितले जात आहे. या सर्व जखमींना रुग्णालयात दाखल करण्यात आले असून, त्यांच्यावर उपचार सुरु आहेत. या हल्ल्यानंतर हाॅटेल हयातला सोमालियाच्या पोलीस आणि लष्करांनी वेढा घातला आहे.
कार बाॅम्बस्फोट
अल शबानने शनिवारी मोगादिशू येथील एका हाॅटेलवर कब्जा घेतला. त्यानंतर अंधाधूंद गोळीबार केला. पोलीस अधिका-यांच्या मते, दोन कारमधून बाॅम्बस्फोट घडवून हाॅटेल हयातला लक्ष्य केले आहे. एक बाॅम्ब हाॅटलेच्या जवळील बॅरिअरला धडकला. दुसरा हाॅटेलच्या गेटला धडकला. अतिरेकी अजूनही हाॅटेलमध्ये दबा धरुन बसले असावेत, असे आम्हाला वाटते. तर, दोन अधिका-यांनी हा दहशतवादी हल्ला असल्याचे सांगितले.
( हेही वाचा: रायगडमधील संशयित बोटीत शस्त्रांनंतर, दोन चाॅपरही आढळले; आर्म्स अॅक्टअंतर्गत गुन्हा दाखल )
Join Our WhatsApp Community