आता कोरोना डॉग स्क्वॉड, थायलँडमध्ये कुत्रे सेकंदात ओळखतात कोरोना रुग्ण!

थायलँडमधील विद्यापीठात संशोधन सुरू

• थायलँडमधील चुलोलोंगकोर्न विद्यापीठात संशोधन सुरू आहे. 
• मागील सहा महिन्यांपासून यावर सुरू संशोधन होत आहे.
• त्यासाठी विशिष्ट कुत्र्यांना ट्रेनिंग दिले जात आहे.
• हे संशोधन अंतिम टप्प्यात आले असून, प्रायोगिक तत्वावर याचा वापर सुरू झाला आहे.

(हेही वाचा : मुंबईत कोरोनाचा विस्फोट, दिवसभरात २,३७७ रुग्ण)

काय करतात कुत्रे? 

• प्रशिक्षित कुत्र्यांना कोरोनाबधित रुग्णाच्या घामाचा वास दिला जातो.
• त्या आधारे ते कुत्रे एक – दोन सेकंदात कोरोना संक्रमण ओळखतात.
• अशा प्रकारे या संशोधनाचे यश ९५ टक्के इतके आहे अर्थात कुत्रे ९५ टक्के बरोबर रुग्ण शोधतात.
• रेल्वे, मेट्रो स्टेशन, विमानतळ अशा वर्दळीच्या आणि धावपळीच्या सार्वजनिक ठिकाणी हे कुत्रे काही सेकंदात कोरोना बाधित रुग्ण ओळखतात.
• विशेष म्हणजे ज्यांच्यामध्ये लक्षणे आढळून येत नाही, अशाही रुग्णांना हे कुत्रे शोधतात.
• एका मिनिटात हे कुत्रे ६० नमुने तपासून कोरोना संसर्ग कुणाला झाला आहे, हे ओळखू शकतात.
• हे कुत्रे जर कोरोना संक्रमित रुग्णाच्या थेट संपर्कात येणार असतील तर त्यांनाही त्याचा संसर्ग होवू शकतो, असा संशय व्यक्त करण्यात आला आहे.
• मात्र कुत्र्यांना संसर्ग होत नसल्याचा एक मतप्रवाह आहे, तरीही थायलँडमध्ये यावरही संशोधन सुरू आहे.

चिली, फिनलँड आणि भारतातही सुरू आहे संशोधन