अरबी समुद्रातून पाकिस्तानी बोट पकडण्यासाठी भारतीय तटरक्षक दल (ICG) आणि गुजरात एटीएसने गोळीबार केल्याची माहिती समोर आली आहे. पाक बोटीवरील नऊ जणांकडून 280 कोटी रुपयांचे हेरॉईन जप्त करण्यात आले आहे, अशी माहिती संरक्षण मंत्रालयाच्या प्रवक्त्याने सोमवारी दिली.
In a joint Ops with ATS #Gujarat, @IndiaCoastGuard Ships apprehended Pak Boat Al Haj with 09 crew in Indian side of Arabian sea carrying heroin worth approx 280 cr. Boat being brought to #Jakhau for further investigation. @DefenceMinIndia @MEAIndia @HMOIndia @SpokespersonMoD
— Indian Coast Guard (@IndiaCoastGuard) April 25, 2022
‘अल हज’ या पाकिस्तानी बोटीला तटरक्षक दलाच्या गस्त घालणाऱ्या नौकांनी पाण्यातून पकडले. मासेमारीसाठी वापरली जाणारी पाकिस्तानी बोट वेगाने पळून जाण्याचा प्रयत्न करत होती. यावेळी भारतीय तटरक्षक दलाच्या बोटीने त्याचा पाठलाग केला. त्या बोटीला रोखण्यासाठी भारतीय संघाला गोळीबार करावा लागला. या कारवाईत बोटीचा एक क्रू मेंबर जखमी झाला तर इतर दोघे किरकोळ जखमी झाले. काही वेळातच या परिसरात असलेल्या अंकित या तटरक्षक दलाचे जहाज त्याला ओढण्यासाठी घटनास्थळी पाठवण्यात आले. पाकची बोट आज दुपारी ३ वाजता जाखू बंदरात दाखल होणार आहे.
(हेही वाचा – अटारी सीमेवर 700 कोटींचे हेरॉईन जप्त, अफगाणिस्तानातून आली 102 किलोची खेप )
असा घडला प्रकार
पाकिस्तानी बोट ‘अल हज’ नऊ जणांसह रविवारी रात्री उशिरा भारतीय पाण्यात घुसली होती. ती हेरॉईनची पाकिटे भारतीय हद्दीत फेकण्याचा प्रयत्न करत होती. ठोस गुप्तचर माहितीनंतर, गुजरात एटीएसच्या दोन अधिकाऱ्यांना तटरक्षक दलाच्या जहाजासह घटनास्थळी पाठवण्यात आले. दरम्यान, हे पाकीट फेकताना पाकची बोट पकडण्यात आली, असे ICG अधिकाऱ्यांनी सांगितले.
गुजरातमध्ये यापूर्वीही पाकिस्तानी बोटीतून अमली पदार्थ जप्त करण्यात आले आहेत. गेल्या वर्षी डिसेंबरमध्ये गुजरातच्या किनारपट्टीवर ७७ किलो हेरॉईन जप्त करण्यात आले होते. बोटीच्या सहा क्रू मेंबर्सना भारतीय पाण्यातून अटक करण्यात आली.
Join Our WhatsApp Community