PMPML बस मार्गस्थ करण्यास नकार दिला म्हणून प्रवाशाने वाहकासोबत वाद घालत त्याच्या अंगठ्याचा चावा घेतल्याचा धक्कादायक प्रकार पुण्यात घडला आहे. ही घटना घटना हडपसर भागातील गाडीतळ स्थानकात घडली आहे. या प्रकरणी प्रवाशाला अटक करण्यात आली असून शिवराज साळुंखे (वय ३०, रा. हरपळे वस्ती, फुरसुंगी) असे अटक करण्यात आलेल्या प्रवाशाचे नाव आहे. याबाबत पीएमपी वाहक मारुती बाळू सांगळे (वय ३९, रा. नायगाव रस्ता, कुंजीरवाडी, ता. हवेली) यांनी हडपसर पोलीस ठाण्यात फिर्याद दिली आहे.
( हेही वाचा : India vs BAN : सामना जिंकण्यासाठी भारताला फक्त १०० धावांची गरज! तिसऱ्या दिवशीचा खेळ संपला)
आरोपी पोलिसांच्या ताब्यात
एनडीए ते हडपसर या मार्गावरील बस हडपसर येथील गाडीतळ स्थानकात थांबली. त्यावेळी आरोपी साळुंकेने बसमध्ये प्रवेश करायचा प्रयत्न केला. त्यावेळी सांगळे यांनी बस मार्गस्थ व्हायची आहे, असे साळुंखे याला सांगितले. तेव्हा साळुंखे पीएमपी वाहक सांगळे यांच्यावर चिडला. मी पूर्वी पीएमपीमध्ये चालक होतो. तू मला शिकवू नको, असे साळुंखेने सांगितले. साळुंखेने सांगळे यांना शिवीगाळ करुन अंगठ्याचा चावा घेतला. त्यानंतर आरोपी शिवराज साळुंखेला पकडून पोलिसांच्या ताब्यात देण्यात आले. पोलीस उपनिरीक्षक सोनटक्के या प्रकरणात अधिक तपास करत आहेत.
Join Our WhatsApp Community