धावपळीच्या या जगात आरोग्याकडे हमखास दुर्लक्ष होत आहे. मुंबईकर आणि मुंबई तर सतत धावती असते. याच मुंबईकरांच्या स्वाथ्याची काळजी घेण्यासाठी, जागतिक आरोग्य दिनानिमित्त रचना आर्टस् अँड क्रीएशन (Rachna Arts and Creation) तर्फे ‘आरोग्यम धनसंपदा’ या साप्ताहिक कार्यक्रमाचे आयोजन करण्यात आले आहे. रचना लचके- बागवे या कार्यक्रमाच्या आयोजिका आहेत तसेच अ‍ॅजिलस डायग्नोस्टिक्स फडके लॅबचे (Agilus Diagnostics Phadke Lab) प्रमुख डॉ. अविनाश फडके (Dr. Avinash Phadke) यांचं मोलाचं सहकार्य या आरोग्य सप्ताहाच्या आयोजनासाठी लाभत आहे. या कार्यक्रमातून तंदरुस्त आरोग्याचा प्रचार आणि प्रसार करण्यात येणार आहे. २ एप्रिल ते ७ एप्रिल दरम्यान हा आरोग्यम धनसंपदा सप्ताह पार पडणार आहे. या सप्ताहात मोफत आरोग्य शिबीर, चर्चासत्रे आणि आरोग्यविषयक उपक्रमांची मालिका चालणार आहे. अर्थसंकेत आणि ‘हिंदुस्थान पोस्ट’ हे या उपक्रमाचे आऊटरिच पार्टनर आहेत. (World Health Day)
( हेही वाचा : IPL 2025, RCB BT CSK : चेन्नईचा ५० धावांनी पराभव करत बंगळुरू आयपीएल गुणतालिकेत अव्वल स्थानावर)
सात दिवस चाललेल्या या उपक्रमात आरोग्य तपासणी आणि मानसिक आरोग्य या महत्वाच्या बनलेल्या मुद्यावर मार्गदर्शन, चर्चा आणि उपाय- योजना सांगितल्या जातील. नेत्रतपासणी शिबिरात काचबिंदू, मोतीबिंदू किंवा मॅक्युलर डीजनरेशन आणि अन्य डोळ्यांच्या समस्यांवर तपासणी केली जाईल. महिलांना जीवनाच्या प्रत्येक टप्प्यावर आरोग्य कसे राखायचे याबद्दल जागृकता निर्माण करण्यासाठी सेमिनारचे आयोजन करण्यात आले आहे. यामध्ये हार्मोनल असंतुलन, प्रजनन आरोग्य आणि प्रतिबंधात्मक काळजी कशी घ्यायची हे सांगितले जाईल. अ‍ॅक्युपंक्चर आणि अ‍ॅक्युप्रेशर या प्राचीन पद्धती आहेत ज्या दीर्घकालीन आजारणावर उपयुक्त असतात, त्यामुळे विशेष सत्र आरोग्य सप्तहात असणार आहे. अ‍ॅक्युपंक्चर आणि अ‍ॅक्युप्रेशर च्या साहायाने बरेच जण आपल्या वेदना कमी झाल्याचे सांगतात त्या सर्वांसाठी हे सत्र आहे. (World Health Day)
जागतिक आरोग्य दिनी ७ एप्रिलला सप्तहाच्या शेवटच्या दिवशी दोन परिसंवादाचे आयोजन करण्यात आले आहे. मधुमेहाविषयी डॉ. अविनाश फडके आणि डॉ. मनीषा तालीम या संवाद साधतील. डॉ. भूषण लचके हे मान्यवरांशी संवाद साधतील. ओबेसिटी आणि लाइफस्टाइल डिसऑर्डर याविषयी डॉ. पुष्कर शिकारखाने (Dr. Pushkar Shikarkhane) आणि डॉ. श्रीनिवास कुडवा या परिसंवादात सहभागी होतील. डॉ. भूषण लचके (Dr. Bhushan Lachke) हे तज्ञांशी संवाद साधतील. मधुमेह आणि स्थूलता या दोन आजारांवर वेळीच कसे उपाय करायचे, त्यांना प्रतिबंधित कसे करता येईल यावर विचारमंथन होईल. सोबतच आरोग्य दिनाचे औचित्य साधत डॉक्टर, नर्स ,वॉर्ड बॉय, रुग्णवाहिका सेवक आणि सर्व आरोग्यदूतांचा सन्मान या दिवशी करण्यात येईल. अवयव दान आणि शरीर दानाचा प्रसार देखील या कार्यक्रमात करण्यात येईल. जगभरात असंख्य आजार भेडसावत आहेत, मानसिक ताण स्वस्थ बसू देत नाही आहे आणि असंख्य व्याधींनी माणसांनां घेरलं आहे , म्हणून सर्वांनी आपल्या दीर्घायुष्यासाठी आरोग्यम धनसंपदा शिबिरात सहभागी झालं पाहिजे.
आरोग्य धनसंपदा सप्तहाचे वेळापत्रक :
२ एप्रिल २०२५: वाशी येथील इन्फिगो आय केअर येथे मोफत डोळ्यांची तपासणी ( वेळ सकाळी १० ते सायंकाळी ५ )
३ एप्रिल २०२५:दिवाईन हेल्थकेयर सेंटर, भांडुप ईस्ट येथे महिला आरोग्य तपासणी आणि चर्चासत्र ( वेळ दुपारी ३ ते सायंकाळी ७ ) ( १९९ रुपये )
४ एप्रिल २०२५: ई-बायोटोरियम, दादर येथे ताण आणि चिंता व्यवस्थापनावर मानसिक आरोग्य जागरूकता सेमिनार ( वेळ दुपारी ४ ते सायंकाळी ७ )
५ एप्रिल २०२५: अ‍ॅजिलस डायग्नोस्टिक्स फडके लॅब,दादर येथे माफक दरात रक्त चाचणी ( २०० रुपये ) ( वेळ सकाळी ७ ते सकाळी ११ )
६ एप्रिल २०२५: दादर पश्चिम येथील वीरा विहार येथे मोफत अ‍ॅक्युप्रेशर आणि कान अ‍ॅक्युपंक्चर ( वेळ सकाळी १० ते दुपारी ४ )
७ एप्रिल २०२५: इन्स्टिटयूट ऑफ केमिकल टेकनॉलॉजि, माटुंगा येथे जागतिक आरोग्य दिन सोहळा ( वेळ सायंकाळी ५ ते सायंकाळी ७ :३० )
वरील सर्व सत्रात नाव नोंदणी करण्यासाठी संपर्क करा : ८४५९१४८९१४ / ९९३००२६०२०
Join Our WhatsApp Community